काठमाडौं । नेपाली चलचित्र क्षेत्रको महत्त्वपूर्ण पेशागत संस्था नेपाल चलचित्र निर्देशक समाजको नयाँ नेतृत्व चयन भएको छ । काठमाडौंमा सम्पन्न समाजको १८औं वार्षिक साधारणसभा तथा महाधिवेशनबाट निर्देशक अरुणकुमार प्रधान अध्यक्षमा निर्वाचित हुनुभएको हो । निर्वाचनमा उहाँले आफ्ना निकटतम् प्रतिद्वन्द्वी तथा निवर्तमान अध्यक्ष जनकदीप पराजुलीलाई ६३ मतान्तरले पराजित गर्दै नेतृत्व आफ्नो पक्षमा पार्नुभयो । कुल खसेको मतमध्ये अरुणले १०९ मत प्राप्त गर्दा जनकदीप ४६ मतमा सीमित हुनुभयो ।
महाधिवेशनको परिणामसँगै निर्देशक समाजमा नयाँ नेतृत्वको स्पष्ट बहुमत स्थापित भएको छ । निर्वाचित पदाधिकारीमध्ये अधिकांश अरुण प्यानलका उम्मेदवार रहेका छन्, जसले आगामी तीन वर्ष समाजभित्र नीतिगत तथा संरचनात्मक परिवर्तनको अपेक्षा बढाएको छ ।
समाजको दुई उपाध्यक्ष पदमा सुवास गजुरेल र दीपक वली विजयी हुनुभएको छ । सुवासले ९५ मत प्राप्त गर्दा दीपकले ७१ मत ल्याएर आफ्नो स्थान सुरक्षित गर्नुभयो । महासचिव पदमा भने समुन्द्र भट्टले प्रभावशाली मतसहित जित हात पार्नुभयो । उहाँले १०६ मत प्राप्त गर्दा उहाँका प्रतिस्पर्धी कमल एक्चै मगरले ४७ मत पाउनुभयो । सचिव पदमा राजबहादुर साने ८० मतसहित विजयी हुनुभयो । उहाँका निकटतम प्रतिद्वन्द्वी दिनेश लिङ्देनले २८ मत प्राप्त गर्नुभएको थियो ।
कोषाध्यक्ष पदमा जनक खड्का निर्विरोध निर्वाचित हुनुभयो भने सह-कोषाध्यक्षमा भने रोचक प्रतिस्पर्धा देखिएको थियो । यस पदमा उत्सव केसी ६६ मतसहित विजयी हुनुभयो । उहाँका प्रतिस्पर्धी अमृतमान महर्जनले ४४ मत तथा भीषण राईले ४२ मत प्राप्त गर्नुभएको थियो ।
महाधिवेशनबाट ६ जना सदस्यहरू निर्विरोध निर्वाचित भएका छन् । निर्विरोध चयन हुने सदस्यहरूमा लक्ष्मण सुवेदी, लक्ष्मण सुनार, साकार पन्त, अमरदीप सापकोटा, शिव शर्मा कँडेल र हस्तबहादुर लिम्बु रहनुभएको छ ।
२०५७ सालमा स्थापना भएको नेपाल चलचित्र निर्देशक समाज नेपाली चलचित्र निर्देशकहरूको पेशागत हकहित, सिर्जनात्मक स्वतन्त्रता तथा पेशागत सुरक्षाका लागि सक्रिय संस्था मानिन्छ । नयाँ नेतृत्व चयनसँगै नेपाली चलचित्र उद्योगमा निर्देशकहरूको भूमिका, श्रम अधिकार, पारिश्रमिक, बौद्धिक सम्पत्ति संरक्षण तथा डिजिटल युगअनुसारको चलचित्र निर्माण प्रणालीबारे बहस थप सशक्त हुने अपेक्षा गरिएको छ ।
नवनिर्वाचित अध्यक्ष अरुणकुमार प्रधानले निर्वाचनपछि निर्देशकहरूको एकता, पेशागत सम्मान र चलचित्र क्षेत्रको समग्र विकासलाई प्राथमिकतामा राखेर अघि बढ्ने प्रतिबद्धता व्यक्त गर्नुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र