काठमाडौं । नेपाल र चीनबीच पर्यटन तथा हवाई सम्पर्क विस्तार गर्ने उद्देश्यले काठमाडौंमा बुधबार १६औँ ‘चिनियाँ पर्यटन दिवस’ मनाइएको छ । चाइना साउदर्न एयरलाइन्स, चिनियाँ राष्ट्रिय पर्यटन कार्यालय (काठमाडौं) र चीन सांस्कृतिक केन्द्र (नेपाल) को संयुक्त आयोजनामा भएको कार्यक्रममा नेपाल-चीनबीच पर्यटन प्रवर्द्धन, सांस्कृतिक आदान-प्रदान तथा हवाई कनेक्टिभिटी विस्तारका विषयमा छलफल गरिएको थियो । कार्यक्रममा पर्यटन व्यवसायी, ट्राभल ट्रेड प्रतिनिधि, कूटनीतिक नियोग तथा हवाई क्षेत्रका सरोकारवालाको सहभागिता रहेको थियो ।
कार्यक्रममा चीन सांस्कृतिक केन्द्र (नेपाल) का उपनिर्देशक लिउ झानपिङले पर्यटनलाई राष्ट्रहरूबीच मित्रता र सांस्कृतिक आदान-प्रदानको महत्त्वपूर्ण माध्यम भएको बताउनुभयो । उहाँले नेपाल–चीनबीच हवाई सम्पर्क र गन्तव्य प्रवर्द्धनलाई थप विस्तार गर्नुपर्नेमा जोड दिनुभयो ।
हाल काठमाडौं चीनका ग्वाङ्झाउ, छेङ्दु र सियानलगायत शहरसँग सिधा हवाई उडानमार्फत् जोडिएको छ । चाइना साउदर्न एयरलाइन्सले सन् २००७ देखि काठमाडौं उडान सञ्चालन गर्दै आएको जनाएको छ । कम्पनीले आधुनिक ए-३२० नियो विमानमार्फत् सेवा दिँदै आएको र बजार मागअनुसार उडान संख्या विस्तार गर्ने योजना रहेको जानकारी दिएको छ ।
कार्यक्रममा सहभागीहरूले नेपालमा चिनियाँ पर्यटक आगमन बढाउन थप सिधा उडान, प्रतिस्पर्धी भाडादर र ट्रान्जिट कनेक्टिभिटी विस्तार आवश्यक रहेको बताएका थिए । आयोजकहरूले नेपाल-चीन पर्यटन सहकार्यलाई दीर्घकालीन रूपमा अझ प्रभावकारी बनाउने विश्वास व्यक्त गरेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र