काठमाडौं । बुढानीलकण्ठस्थित गणेश चोकमा रहेको ‘सब्रिना’ होटल अब ‘ट्राइब काठमाडौं’ को नामबाट सञ्चालन हुने भएको छ । सब्रिना होटल र ट्राइब होटलबीच भारतको राजधानी नयाँदिल्लीमा सम्झौता भएसँगै सब्रिना होटल ट्राइब काठमाडौं नामबाट सञ्चालन हुने भएको हो ।
ट्राइब विश्वप्रसिद्ध फ्रान्सेली होटल ग्रुप एकोर लाइफस्टाइल ब्राण्ड हो । विश्वभर ट्राइब ब्राण्डका २७ होटल सञ्चालनमा छन् । सब्रिना होटलका अध्यक्ष निराजन थापाले एकोरसँग सम्झौताले नेपालमा ट्राइब ब्राण्ड ल्याएको भन्दै होटल अब ल्याण्डमार्क लाइफस्टाइल गन्तव्य बन्ने विश्वास व्यक्त गर्नुभएको छ । उहाँका अनुसार हाल होटल पाँचतारेमा स्तरोन्नति भइरहेको छ । स्तरोन्नतिपछि एक सय १० वटा कोठा हुनेछन् ।
स्तरोन्नतिपछि होटलमा तीनवटा रेस्टुरेन्ट रहने र नेपालको हालसम्मकै सबैभन्दा ठूलो रूफटप रेस्टुरेन्ट हुने बताइएको छ ।
होटलमा पौडी पोखरी, हेल्थ क्लब, स्पा, जिमलगायतका सुविधा रहेका छन् । होटलले साधारण सेयर पनि जारी गर्दैछ । हाल कम्पनीको जारी पुँजी एक अर्ब २२ करोड रहेको छ । कम्पनीले ४७ करोड ४ लाख रुपैयाँको सेयर जारी गर्ने तयारी गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर