भक्तपुर । बागमती प्रदेश सरकारले युवालाई लक्षित गर्दै आगामी बजेटमार्फत २ प्रतिशत ब्याजदरमा सहुलियत ऋण दिने तयारी गरेको छ । शैक्षिक वा सीपमूलक तालिमको प्रमाणपत्रका आधारमा युवाले न्यूनतम १५ लाख रुपैयाँसम्म ऋण पाउने व्यवस्था गर्न लागिएको बागमती प्रदेशका स्वास्थ्यमन्त्री किरण थापाले बताउनुभएको छ ।
भक्तपुरको गठ्ठाघरस्थित जर्मन होम्स होटलमा बुधबार आयोजित ग्रान्ड ब्यूटी एक्स्पो उद्घाटन कार्यक्रममा मन्त्री थापाले युवामैत्री बजेट निर्माण भइरहेको जानकारी दिनुभएको हो । उहाँका अनुसार स्वरोजगारमूलक व्यवसाय प्रवर्द्धनका लागि प्रदेश सरकारले सहुलियतपूर्ण वित्तीय पहुँच विस्तार गर्न लागेको हो । “स्वरोजगारमूलक व्यवसायका लागि २ प्रतिशत ब्याजमा ऋण दिने व्यवस्था बजेटमै समावेश हुँदैछ,” मन्त्री थापाले बताउनुभयो ।
उहाँले प्राविधिक तथा व्यावसायिक शिक्षालाई प्राथमिकतामा राखिएको उल्लेख गर्दै युवालाई रोजगार खोज्नेभन्दा उद्यम सिर्जना गर्ने दिशातर्फ केन्द्रित गरिने बताउनुभयो ।
कार्यक्रममा मन्त्री थापाले प्रदेशका अस्पतालमा प्रविधिमैत्री सेवा विस्तार भइरहेको जानकारी पनि दिनुभयो । उहाँका अनुसार स्वास्थ्य मन्त्रालयले सिन्धुली अस्पताल, चौतारा अस्पताल, धादिङ अस्पताल र बकुलहर अस्पतालबाट ‘पेपरलेस सेवा’ परीक्षण सुरु गरिसकेको छ । आगामी आर्थिक वर्षदेखि बागमती प्रदेशका १३ वटै अस्पतालमा पेपरलेस प्रणाली लागू गरिने उहाँले बताउनुभयो ।
उहाँले पेपरलेस प्रणालीले सेवा प्रवाह छिटो, व्यवस्थित र सुरक्षित हुने दाबी गर्नुभयो । साथै भक्तपुर अस्पताल, धादिङ अस्पताल, नुवाकोट अस्पताल, सिन्धुली अस्पताल र बकुलहर अस्पतालमा प्रदेश सरकारकै पहलमा नर्सिङ शिक्षाको पढाइ सुरु गरिने जानकारी दिनुभयो ।
युथ इको नेपालको आयोजनामा जारी एक्स्पोमा देशभरबाट करिब २ हजार सौन्दर्य तथा साजसज्जा क्षेत्रसँग सम्बन्धित व्यवसायी, पेशाकर्मी, कलाकार तथा इच्छुक सहभागी सहभागी रहेको आयोजक संस्थाका संरक्षक नरेश रन्जितले जानकारी दिनुभयो ।
एक्स्पोको मुख्य आकर्षण भारतका हेयर आर्टिस्ट जावेद हबिब को विशेष प्रशिक्षण रहेको जनाइएको छ । आयोजक संस्थाका अध्यक्ष आकाश गजुरेलका अनुसार कार्यक्रम दुई दिनसम्म सञ्चालन हुनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर