काठमाडौं । घरेलु कोर्टमा आयोजित काभा महिला भलिबल च्याम्पियनसिपमा नेपाल पदकविहीन बनेको छ । तेस्रो स्थानका लागि भएको खेलमा भारतसँग तीन-एकको सेटमा पराजित भएपछि नेपाल चौथो स्थानमा सीमित रह्यो ।
उपाधि जित्ने लक्ष्यसहित प्रतियोगितामा उत्रिएको नेपालले पाँच खेलमध्ये दुई जित र तीन हार बेहोर्यो । नेपालले किर्गिस्तान र माल्दिभ्सलाई पराजित गरे पनि भारतसँग दुई तथा इरानसँग एक खेल गुमायो । प्रतियोगितामा इरान अपराजित रहँदै च्याम्पियन बन्दा काजाखस्तान दोस्रो र भारत तेस्रो भयो ।
मुख्य प्रशिक्षक जगदिश भट्टले पदक जित्ने लक्ष्य पूरा नभएकोमा दुःख व्यक्त गर्दै महत्त्वपूर्ण समयमा भएका सामान्य गल्तीले नतिजा प्रभावित भएको बताउनुभयो । उहाँले बलिया टोलीसँग खेलेर अनुभव बटुल्नु नेपाली टोलीका लागि सकारात्मक पक्ष रहेको उल्लेख गर्नुभयो ।
प्रतियोगितामा नेपालले पहिलोपटक एफआइभिबी विश्व वरीयतामा स्थान बनाउनुका साथै नयाँ कप्तान निरुता ठगुन्नाको नेतृत्वमा छ नयाँ खेलाडीलाई अन्तर्राष्ट्रिय अनुभव दिलाएको थियो ।
प्रशिक्षक भट्टले युवा खेलाडीले सम्भावना देखाएको र नियमित प्रशिक्षण तथा अन्तर्राष्ट्रिय अवसर पाए भविष्यमा नेपाली टोली अझ सशक्त बन्ने विश्वास व्यक्त गर्नुभएको छ । नेपालले अब आगामी सेप्टेम्बरमा जापानको नागोयामा हुने २०औँ एसियाली खेलकुदको तयारी गर्नेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर