काठमाडौं । नेपाली महिला राष्ट्रिय क्रिकेट टोलीले आफ्नो इतिहासकै सबैभन्दा निराशाजनक नतिजामध्ये एक बेहोरेको छ । आइसिसी वरीयतामा आफूभन्दा २१ स्थान तल रहेको चीनसँग पराजित हुँदै नेपाल एसियन गेम्समा छनोट हुने अवसरबाट वञ्चित भएको छ ।
आइतबार मलेसियाको बायोमास ओभलमा तेस्रो स्थानका लागि भएको खेलमा नेपाल डकवर्थ-लुइस (डिएलएस) पद्धतिअनुसार चीनसँग ५ विकेटले पराजित भयो । वर्षाका कारण खेल ७ ओभरमा सीमित गरिएको थियो । आइसिसीको पछिल्लो महिला टी-२० अन्तर्राष्ट्रिय वरीयतामा नेपाल २१औँ तथा चीन ४२औँ स्थानमा रहेका छन् । यसअघि चीनसँग भएका तीनवटै टी-२० अन्तर्राष्ट्रिय खेलमा अपराजित रहेको नेपालले चौथो भेटमा पहिलो हार बेहोरेको हो ।
पहिले ब्याटिङ गरेको नेपालले निर्धारित ७ ओभरमा ५ विकेट गुमाएर ५० रन बनायो । नेपालको इनिङ्समा कविता कुँवरले १० बलमा २२ रनको आक्रामक पारी खेल्नुभयो भने कप्तान इन्दु बर्माले ११ रन जोड्नुभयो । अन्य ब्याटरले दोहोरो अंकमा रन बनाउन सकेनन् ।
नेपालले दिएको ५० रनको लक्ष्य डिएलएस पद्धतिअनुसार चीनका लागि ४३ रनमा झारिएको थियो । चीनले अन्तिम बलमा लक्ष्य पूरा गर्दै ५ विकेटको जित हात पार्यो । चीनका लागि दुई ब्याटरले मात्र दोहोरो अंकमा रन बनाए पनि त्यो जितका लागि पर्याप्त बन्यो ।
नेपालका तर्फबाट रिया शर्माले दुई तथा सीता राना मगरले एक विकेट लिनुभयो । तर, बलरहरूको प्रयास पनि टोलीलाई हारबाट जोगाउन पर्याप्त भएन । यस हारसँगै नेपाली महिला टोलीको एसियन गेम्समा स्थान बनाउने सपना अधुरै रह्यो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर