काठमाडौं । संगीतकार क्षितिज कुलुङद्वारा लिखित पुस्तक ‘म्युजिक एजुकेशन’ काठमाडौंमा आयोजित एक विशेष समारोहबीच लोकार्पण गरिएको छ । बत्तीसपुतलीस्थित धुन कला केन्द्रको सभाहलमा आयोजित कार्यक्रममा वरिष्ठ कवि तथा साहित्यकार श्रवण मुकारुङले पुस्तकको लोकार्पण गर्नुभएको हो ।
संगीत शिक्षा तथा संगीत अध्ययन-अध्यापनको क्षेत्रमा उपयोगी सामग्रीका रूपमा प्रस्तुत गरिएको पुस्तकले नेपाली संगीत शिक्षाको सैद्धान्तिक र व्यावहारिक पक्षलाई समेट्ने विश्वास व्यक्त गरिएको छ । कार्यक्रममा बोल्दै प्रमुख अतिथि मुकारुङले कला, साहित्य र संगीत समाजका चेतनाका महत्त्वपूर्ण आधारस्तम्भ भएको उल्लेख गर्दै संगीत शिक्षासम्बन्धी पुस्तकले नयाँ पुस्तालाई मार्गदर्शन गर्ने बताउनुभयो । उहाँले यस्ता सिर्जनात्मक तथा शैक्षिक कृतिले नेपाली संगीत क्षेत्रलाई थप व्यवस्थित र समृद्ध बनाउन योगदान पुग्ने धारणा राख्नुभयो ।
पुस्तक विमोचन समारोहमा गायक धीरज राई, समाजसेवी ज्योति केसी, संगीतकार राजु एन राई, समाजसेवी दीपिका थापा, नायक तथा गायक राहुल श्रेष्ठ, समाजसेवी श्याम कुलुङ तथा डा.ओमकृष्ण प्रसाईं अतिथिका रूपमा उपस्थित हुनुहुन्थ्यो । उहाँहरूले पुस्तकले संगीत सिकाइ र शिक्षण प्रक्रियामा महत्त्वपूर्ण सन्दर्भ सामग्रीका रूपमा काम गर्ने विश्वास व्यक्त गर्नुभयो ।
कार्यक्रमको सभापतित्व संगीतकार रोसन वान्तवाले गर्नुभएको थियो । उहाँले संगीत शिक्षाको विकास र गुणस्तरीय अध्ययन सामग्रीको अभावलाई मध्यनजर गर्दै यस्ता प्रकाशनले सकारात्मक प्रभाव पार्ने बताउनुभयो । उहाँले नेपाली संगीत क्षेत्रलाई व्यावसायिक तथा शैक्षिक रूपमा सुदृढ बनाउन संगीतसम्बन्धी अनुसन्धान र प्रकाशनलाई प्रोत्साहन गर्नुपर्ने आवश्यकता औंल्याउनुभयो ।
लेखक क्षितिज कुलुङले पुस्तक तयार पार्नुको उद्देश्यबारे प्रकाश पार्दै संगीत सिक्न चाहने विद्यार्थी, प्रशिक्षक तथा संगीतप्रेमीहरूलाई आधारभूतदेखि उन्नत तहसम्म उपयोगी ज्ञान प्रदान गर्ने प्रयास गरिएको बताउनुभयो । उहाँले संगीत शिक्षासम्बन्धी व्यवस्थित पाठ्यसामग्रीको आवश्यकता महसुस गरेर पुस्तक लेखिएको जानकारी दिनुभयो । कार्यक्रमको सञ्चालन किरण कटुवालले गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र