एजेन्सी । चर्चित भारतीय पार्श्वगायिका सुमन कल्याणपुरको निधन भएको छ । उहाँको ८९ वर्षको उमेरमा मुम्बईमा उमेरसम्बन्धी जटिलताका कारण निधन भएको हो । पछिल्ला केही दिनयता सुमन आफ्नै पुराना गीतहरू सुन्दै समय बिताइरहनुभएको थियो ।
सन् १९६० र १९७० को दशकमा भारतीय संगीत क्षेत्रमा सुमधुर आवाजका कारण विशिष्ट पहिचान बनाउनुभएकी सुमनले त्यस समयकी चर्चित गायिका लता मगेश्वरको प्रभावशाली उपस्थितिबीच पनि आफ्नै अलग स्थान स्थापित गर्नुभएको थियो ।
उहाँले गाएका ‘आजकल तेरे मेरा प्यार के चर्चा’, ‘ना न करता प्यार तुम्ही से’, ‘तुमने पुकारा और हम चले आए’ जस्ता गीतहरू आज पनि संगीतप्रेमीमाझ लोकप्रिय छन् । हिन्दीसँगै मराठी, असमिया, कन्नड, बंगाली र उडियालगायत ११ भाषामा उहाँले तीन हजारभन्दा बढी गीतमा स्वर दिनुभएको छ ।
सुमनको स्वरलाई प्रायः लता मंगेशकरसँग तुलना गरिन्थ्यो । भारतीय संगीत क्षेत्रमा पुर्याएको योगदानको कदरस्वरूप उहाँलाई सन् २०२३ मा पद्मभूषण बाट सम्मानित गरिएको थियो । उहाँको निधनले भारतीय संगीत क्षेत्रले एक युगीन स्वर गुमाएको टिप्पणी गरिएको छ । उहाँको परिवारमा एक छोरी हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र