काठमाडौं । सम्पदा लघुवित्त वित्तीय संस्थाको नवौँ वार्षिक साधारणसभा सञ्चालक समिति अध्यक्ष प्रदीप सिग्देल (शर्मा)को अध्यक्षतामा सम्पन्न भएको छ । साधारणसभाले अध्यक्ष शर्माले पेश गरेको आर्थिक वर्ष २०८१/०८२ को वासलात, नाफा/नोक्सान हिसाबलगायत अन्य वित्तीय विवरणसहित वार्षिक प्रतिवेदन साथै विभिन्न प्रस्ताव पारित गरेको छ ।
कार्यक्रममा सञ्चालक समितिका पूर्वअध्यक्ष कृष्णबहादुर थापाले हालको अवस्थामा संस्थामा पुराना कर्मचारी कसरी रिटेन्सन गर्न सकिन्छ सोको रणनीति बनाई वर्तमान परिप्रेक्ष्यअनुसार संस्था अगाडि बढाउनुपर्ने सुझाव दिँदै सेयरधनीलाई लागातार दुई वर्षदेखि लाभांश नपाएकाले चालु आर्थिक वर्षमा केही प्रतिशत लाभांश आउने गरी काम गर्न आग्रह गर्नुभएको थियो । संस्थाका अनुसार साधारणसभामा कुल एक सय ३५ सेयरधनीको उपस्थिति रहेको थियो, जसले कुल कायम रहेको सेयरको ५२.२२ प्रतिशत अर्थात् ३६ लाख ६० हजार २२ कित्ता सेयरको प्रतिनिधित्व गर्ने बताइएको छ ।
संस्थाका अनुसार उपस्थित सेयरधनीमध्ये संस्थापकतर्फ २३ जना अर्थात् १० लाख दुई हजार चार सय ९२ कित्ता आफैं स्वयं उपस्थित थिए भने ८७ जना २५ लाख ९१ हजार तीन सय ७५ कित्ता प्रोक्सीमार्फत् सहभागी भएका थिए । सर्वसाधारणतर्फ १९ जना अर्थात् ४३ हजार आठ सय ९८ कित्ता आफैं उपस्थित थिए भने छ जना अर्थात् २२ हजार दुई सय ५७ कित्ता सेयरधनीहरू प्रोक्सीमार्फत् सहभागी भएका थिए ।
चालु आर्थिक वर्षको २०८३ वैशाखसम्ममा संस्थाले देशका ४५ जिल्लामा एक सय ५५ शाखामार्फत् एक लाख ८३ हजारभन्दा बढी विपन्न परिवारमा सेवा विस्तार गरिसकेको जनाएको छ । व्यवसायतर्फ संस्था हालसम्म दुई अर्ब ९८ करोड रुपैयाँ बचत संकलन गर्न सफल भएको छ भने संस्थाको कुल लगानीमा रहेको कर्जा (लोन पोर्टफोलियो) १० अर्ब ७० करोड रुपैयाँ पुगेको बताइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
भोटेकोशी बाढीले रसुवामा ४१ किलोमिटर
भोटेकोशी बाढीमा मृत्यु भएका सशस्त्र
बाढीले पुरेको घरभित्रबाट ‘बचाऊ–बचाऊ’ भनेपछि…
राज्यका निकायहरू अन्योलमा छन्, सरकारको
वीरता र इतिहास सम्झाउँदै पाल्पामा
भोटेकोशी विपद्मा उद्धारमा खटिएका सुरक्षाकर्मीको