कानूनी संरचनामा सुधार सरकारको प्राथमिकतामाः सञ्चारमन्त्री

हिमालय टाइम्स

Wednesday June 3, 2026

हिमालय टाइम्स

Wednesday June 3, 2026

Read Time = 3 mins

डिजिटल संस्करण

समाचार

A A- A+

काठमाडौँ । सूचना तथा सञ्चारमन्त्री डा. विक्रम तिमिल्सिनाले कानुनी संरचनाको सुधार र नयाँ कानुन निर्माण सरकारको प्रमुख प्राथमिकता रहेको बताउनुभएको छ ।

बुधवार मन्त्रालयमा आयोजित मन्त्रालयअन्तर्गतको विषयगत समितिको बैठकमा उहाँले दशकौँ पुराना र वर्तमान आवश्यकतासँग मेल नखाने कानुनहरू संशोधन गर्दै समयानुकूल नयाँ कानुनी संरचना निर्माण गरिने स्पष्ट पार्नुभयो । मन्त्री तिमिल्सिनाले संसदलाई प्रभावकारी कानून निर्माणको केन्द्रका रूपमा विकास गर्ने सरकारको लक्ष्य रहेको पनि उल्लेख गर्नुभयो ।

उहाँका अनुसार पुराना कानुनहरूले विभिन्न क्षेत्रमा समस्या सिर्जना गरिरहेको स्वीकार गर्दै तिनलाई सुधार गर्ने कार्यमा सरकार गम्भीर रूपमा लागिरहेको छ । प्रविधिको तीव्र विकास र नयाँ आवश्यकतासँग मेल खाने कानुन तर्जुमा गर्न मन्त्रालय सक्रिय रहेको उहाँको भनाइ थियो ।

मन्त्री तिमिल्सिनाले भन्नुभयो, “ऐनहरू समयअनुकूल नभएकाले दशकौँ पुराना कानुनमै काम गर्नुपर्ने अवस्था छ, यसलाई हामीले महसुस गरेका छौँ। नयाँ संसद र नयाँ सरकार आएसँगै हाम्रो प्राथमिकता कानुन निर्माणमा केन्द्रित छ। संसदलाई कानुन निर्माणको महत्वपूर्ण थलोका रूपमा विकास गर्ने हाम्रो सोच छ।”

उहाँले कानुनलाई विकास र सेवा प्रवाह सहज बनाउने औजारका रूपमा प्रयोग गर्नुपर्ने भए पनि कतिपय अवस्थामा यसले काममा बाधा पुर्‍याइरहेको देखिएको बताउनुभयो । संघ, प्रदेश र स्थानीय तहबीच समन्वय मजबुत बनाउँदै कानुन निर्माणलाई प्रभावकारी बनाइने पनि उहाँले जानकारी दिनुभयो ।