काठमाडौं । नाडा अटोमोबाइल्स एसोसिएसन अफ नेपालले अर्थमन्त्री डा. स्वर्णिम वाग्लेद्वारा हालै संघीय संसद्मा प्रस्तुत आर्थिक वर्ष २०८३/०८४ को बजेटका कतिपय व्यवस्थाप्रतिप्रति असन्तुष्टि व्यक्त गरेको छ । नाडाका अनुसार बजेटमार्फत् सरकारले विद्युतीय सवारीसाधनमा लाग्दै आएको अन्तःशुल्क हटाएर स्वच्छ पूर्वाधार लगानी शुल्क लगाउने व्यवस्था गरेको छ । सरकारको वर्तमान कर नीतिले विद्युतीयलगायत इन्धनबाट चल्ने सवारीसाधनसमेतको मूल्य बढ्ने देखिएको छ ।
नेपाल विश्व व्यापार संगठनको सदस्य भएको दुई दशक भइसकेको र नेपाल कम विकसित राष्ट्रबाट स्तरोन्नति भएर विकासशील राष्ट्रमा परिणत हुँदै गरेको सन्दर्भमा नाडाले न्यूनतमरूपमा सवारीसाधनमा सरकारले थप कर वृद्धि नगर्ने अपेक्षा राख्दै आएको थियो । सरकारले मोटर पिक पावरका आधारमा महसुल दर कायम राख्दै आएकोमा नयाँ बजेटले कारोबार मूल्यका आधारमा महसुल लगाउने व्यवस्था गरेको छ । नाडाले सदैव स्थिर कर नीतिको माग गर्दै आएको र सरकारले पनि खासगरी विद्युतीय सवारीसाधन सन्दर्भमा प्रवर्द्धनात्मक नीति लिइने बताउँदै आएको थियो । तर, सरकारले अब सवारीसाधनलाई मूल्यका आधारमा कर निर्धारण गर्ने र अतिरिक्त शीर्षकहरूमार्फत् थप महसुल लगाउने निर्णय गरेको नाडाको भनाइ छ । जसले गर्दा प्रायः सबै किसिमका सवारीसाधनको मूल्य बढ्ने बताइएको छ । सवारीसाधनहरूको मूल्य स्थिरताका लागि सरकारले नेपाली रुपैयाँभन्दा डलरका आधारमा कर निर्धारण गर्नु थप व्यावहारिक हुने नाडाले जनाएको छ ।
नाडाका अनुसार बजेटले सम्भवतः नेपालको इतिहासमै झण्डै तीन खर्ब रुपैयाँ सडक पूर्वाधार निर्माणका लागि बजेट विनियोजन गर्दै अधुरा सबै सडक र राजमार्ग समयमै पूरा गर्ने प्रतिबद्धतासमेत जनाएको छ । जसले सरकार पूर्वाधार निर्माणमा कटिबद्ध छ भन्ने स्पष्ट हुन्छ । द्रुतगतिको सडक पूर्वाधार निर्माणले नेपालको समग्र अटोमोबाइल व्यवसाय पनि गतिशील हुने अपेक्षा राखिएको छ । बजेट केही महत्त्वाकांक्षी देखिए पनि त्यसको कार्यान्वयन प्रभावकारी हुन सके देशको अर्थतन्त्र नै गतिशील हुनेमा कुनै सन्देह नरहेको भन्दै बजेट समग्रमा सन्तुलित र भविष्य निर्माणमुखी देखिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
हरितालिका तीजमा पशुपतिनाथसहित शिवालयमा श्रद्धालुको
विद्यार्थी, शिक्षक तथा अभिभावको सुझावका
बर्दियामा छुट्टाछुट्टै दुर्घटनामा दुई जनाको
नेपालभन्दा बाहिर गएर प्रतियोगिता जित्नु
विपद्को पीडाबीच आएको तीज, भक्तजन
चीनले इरानलाई सूचना दिएको खबर