६ जना खेलाडीको ज्यान गएको सिस्नेरी घटनाबारे छानबिन गर्न समिति गठन

हिमालय टाइम्स

Sunday June 7, 2026

हिमालय टाइम्स

Sunday June 7, 2026

Read Time = 3 mins

सिफारिस

१५ वर्षदेखि अलपत्र कमला पुल हेर्न पुगेका मन्त्री लम्साललाई स्थानीयको कडा विरोध

डिजिटल संस्करण

खेलकुद बिविध

A A- A+

काठमाडौं । पहिरोमा परेर ६ किशोर खेलाडीको ज्यान गएको घटनाबारे अन्ततः छानबिन प्रक्रिया अघि बढाइएको छ । राष्ट्रिय खेलकुद परिषद् (राखेप)ले घटनाको सत्यतथ्य पत्ता लगाउन ५ सदस्यीय छानबिन उपसमिति गठन गरेको हो ।

खेलकुद चिकित्सा तथा अनुसन्धान केन्द्रका प्रमुख मधुसुधन बस्नेतको संयोजकत्वमा गठित समितिलाई २१ दिनभित्र प्रतिवेदन बुझाउने जिम्मेवारी दिइएको छ ।

२०८१ असोजमा मकवानपुरको सिस्नेरीमा गएको पहिराेमा परेर ६ जना किशोर खेलाडिको ज्यान गएको थियाे । पहिरोमा परेर आदित्य बलम्पाखी, विकल रेग्मी, प्रियान्स आचार्य, दिवस बानियाँ, अनुपम घलान र साइमल योन्जनले ज्यान गुमाएका थिए ।

घटनापछि आफन्तहरूले एन्फाको लापरबाहीका कारण बालकहरूको मृत्यु भएको आरोप लगाउँदै निष्पक्ष छानबिनको माग गर्दै आएका थिए । मृतक खेलाडीका परिवारले खेलकुद मन्त्रालयमा निवेदन दिएपछि शिक्षा तथा खेलकुद मन्त्रालयले राखेपलाई छानबिन गर्न निर्देशन दिएको थियो ।

अब समितिले घटनाका कारण, जिम्मेवारी र सम्भावित लापरबाहीबारे अध्ययन गरी २१ दिनभित्र प्रतिवेदन पेश गर्नेछ ।