काठमाडाैं । परराष्ट्रमन्त्री शिशिर खनाल चार दिने औपचारिक भ्रमणका लागि आज मित्रराष्ट्र चीन प्रस्थान गर्नु हुने भएको छ । उहाँ चिनियाँ विदेशमन्त्री वाङ यी को मैत्रीपूर्ण निमन्त्रणामा बेइजिङतर्फ प्रस्थान गर्नु हुने परराष्ट्र मन्त्रालयले जनाएको छ ।
मन्त्रालयका अनुसार भ्रमणका क्रममा सम्माननीय मन्त्री खनाल र चिनियाँ समकक्षी वाङ यी बीच नेपाल–चीन द्विपक्षीय सम्बन्धलाई थप सुदृढ, सन्तुलित र परिणाममुखी बनाउने विषयमा विस्तृत छलफल हुने कार्यक्रम रहेको छ । सो वार्तामा आपसी हितका विविध क्षेत्रहरूमा सहकार्य विस्तार, विकास साझेदारीलाई प्रभावकारी बनाउने तथा समसामयिक क्षेत्रीय विषयहरूमा समेत विचार–विमर्श हुने अपेक्षा गरिएको छ ।
भ्रमण अवधिमा सम्माननीय मन्त्री खनालले चीन सरकारका उच्चस्तरीय अधिकारीहरूसँग समेत शिष्टाचार भेटवार्ता गर्नुहुने कार्यक्रम रहेको छ । ती भेटवार्तामा दुई देशबीचको ऐतिहासिक सम्बन्धलाई अझ सुदृढ गर्दै भविष्यका सहकार्यका नयाँ सम्भावनाहरू पहिचान गर्ने विषयमा केन्द्रित हुने बताइएको छ ।
यस भ्रमणलाई नेपाल–चीन सम्बन्धको भविष्य, विशेषगरी बेल्ट एन्ड रोड इनिसिएटिभ (बीआरआई) अन्तर्गतका परियोजनाहरूको कार्यान्वयन, कनेक्टिभिटी विस्तार, व्यापार घाटा न्यूनीकरण तथा लगानी प्रवर्द्धनका दृष्टिले महत्वपूर्ण अवसरका रूपमा हेरिएको छ ।
त्यसैगरी, सम्माननीय मन्त्री खनालले नेपालमा विदेशी लगानी प्रवर्द्धन गर्ने उद्देश्यले आयोजना हुने इन्भेष्टमेन्ट कन्फरेन्समा समेत सहभागिता जनाउनु हुनेछ । सो अवसरमा उहाँले चिनियाँ व्यवसायी समुदायसँग अन्तरक्रिया गर्दै नेपालमा लगानीका सम्भावना र अवसरबारे प्रस्तुति दिनुहुने कार्यक्रम रहेको छ ।
उहाँ असार ३ गते स्वदेश फर्किने कार्यक्रम रहेको परराष्ट्र मन्त्रालयले जनाएको छ । यसअघि सम्माननीय मन्त्री खनालले जेठ २२ देखि २४ गतेसम्म भारतको औपचारिक भ्रमण सम्पन्न गर्नु भएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर