काठमाडाैं । फिफा विश्वकप २०२६ अन्तर्गत ‘म्याच–डे ४’ मा आइतबार समूह ‘एफ’को रोमाञ्चक भिडन्तमा नेदरल्यान्ड्सले एसियाली शक्तिशाली टोली जापानसँग प्रतिस्पर्धा गर्ने भएको छ । उक्त खेल नेपाली समयअनुसार मध्यराति १:४५ बजे सुरु हुने कार्यक्रम रहेको छ ।
युरोपियन च्याम्पियनसिप २०२४ को सेमिफाइनलसम्म पुगेको नेदरल्यान्ड्सले पछिल्लो फिफा विश्वकपमा अन्तिम आठसम्मको यात्रा गरेको थियो । तीनपटकको विश्वकप उपविजेता रहेको यो टोलीले आफ्नो १२औँ विश्वकप सहभागिता जनाइरहेको छ । यस संस्करणमा टोलीको प्रमुख लक्ष्य समूह चरण पार गर्दै नकआउट चरणमा प्रवेश गर्नु रहेको छ । त्यसपछि कम्तीमा सेमिफाइनलसम्म पुग्ने महत्वाकांक्षा रहेको बताइएको छ ।
नेदरल्यान्ड्सले सन् १९९४ यता विश्वकप समूह चरणका १६ खेलमा हार बेहोरेको छैन । त्यही वर्ष अमेरिकी विश्वकपमा कप्तानी सम्हालेका रोनाल्ड कोम्यान अहिले टोलीको मुख्य प्रशिक्षकको रूपमा जिम्मेवारीमा रहेका छन् ।
यता, जापानले आफ्नो आठौँ विश्वकप सहभागिता जनाइरहेको छ । समूह चरणमा निरन्तर राम्रो प्रदर्शन गर्दै आएको जापानले अहिलेसम्म अन्तिम १६ भन्दा माथि प्रगति गर्न सकेको छैन । सन् २००२ मा घरेलु मैदानमा दक्षिण कोरियासँग संयुक्त रूपमा विश्वकप आयोजना गरे पनि टोली अन्तिम १६ मै रोकिएको थियो ।
फिफा वरियतामा १८औँ स्थानमा रहेको जापान नेदरल्यान्ड्सभन्दा १० स्थान पछाडि छ । तर पछिल्लो समय उत्कृष्ट लयमा रहेको जापानले चुनौती प्रस्तुत गर्न सक्ने अपेक्षा गरिएको छ । जापानले पछिल्ला ६ मैत्रीपूर्ण खेलमा लगातार जित हासिल गरेको छ, जसमा ब्राजिलमाथि ३–२ को ऐतिहासिक पुनरागमन जित समेत समावेश छ ।
जापानले विश्वकप छनोट चरणमा सर्वाधिक ५४ गोल गर्दै प्रभावशाली प्रदर्शन गरेको थियो भने केवल तीन गोल मात्र खाएको थियो । यसले टोलीलाई यसपटकको विश्वकपमा सम्भावित ‘डार्क हर्स’ का रूपमा हेरिएको छ ।
गत विश्वकपमा जापानले समूह चरणमा स्पेन र जर्मनी जस्ता महारथी टोलीलाई पराजित गर्दै सनसनी मच्चाएको थियो । यद्यपि अन्तिम १६ मा क्रोएसियासँग पेनाल्टी सुटआउटमा पराजित हुँदै यात्रा टुंग्याएको थियो ।
नेदरल्यान्ड्स र जापानबीच विश्वकप इतिहासमा अहिलेसम्म एकपटक मात्र भेट भएको छ । सन् २०१० मा भएको उक्त खेलमा नेदरल्यान्ड्सले १–० को जित निकालेको थियो ।
यस खेलअघि नेदरल्यान्ड्सलाई चोटका समस्याले सताएको छ । वार्म–अप खेलमा गोलकिपर बार्ट भेरब्रुगेन घाइते भएका कारण उनको सहभागिता अनिश्चित बनेको छ । उनी अनुपस्थित भएमा मार्क फ्लेक्केनले जिम्मेवारी सम्हाल्ने सम्भावना रहेको छ ।
त्यस्तै, आर्सनलका डिफेन्डर युरियन टिम्बर ग्रोइन चोटका कारण टोलीमा छैनन् भने म्याथिस डी लाइट र जाबी सिमन्स पनि इन्जुरीका कारण विश्वकप टोलीबाट बाहिर रहेका छन् ।
जापानका तर्फबाट कप्तान वाटारु एन्डो चोटका कारण विश्वकप गुमाउनु परेको छ भने ब्राइटनका विंगर काओरु मितोमा पनि टोलीमा समावेश छैनन् ।
यसै समूह ‘एफ’ अन्तर्गत जापान र नेदरल्यान्ड्सबीचको खेलपछि सोमबार बिहान ७:४५ बजे स्विडेन र ट्युनिसियाबीच अर्को खेल हुने कार्यक्रम रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
निजामती सेवामा व्यापक पुनःसंरचनाको तयारी
ठेक्का प्रक्रियामा अनियमितता : प्रतिस्पर्धीलाई
धान बालीमा कृषि यान्त्रीकरण :
फिफा विश्वकप २०२६ हेर्न डिशहोमको
भेडा-भेडासँग बाख्रा-बाख्रासँग
मध्यपूर्वको अवस्था सहज भएसँगै पेट्रोलियम