भक्तपुर । संघीय सरकारबाट बजेट नआउँदा स्थानीय विकासका योजना प्रभावित भएको भन्दै सूर्यविनायक नगरपालिका–१ का जनप्रतिनिधिले चिन्ता व्यक्त गरेका छन्। नागरिकका गुनासा, सुझाव र विकासका प्राथमिकतामाथि छलफल गर्न आयोजित सार्वजनिक सुनुवाइ कार्यक्रममा स्थानीयवासीले खानेपानी, ढल, पार्किङ, स्वास्थ्य सेवा र सुशासनका विषय उठाएका छन्।
क्रियाशील पत्रकार मञ्च र सूर्यविनायक नगरपालिकाको संयुक्त आयोजनामा भएको सार्वजनिक सुनुवाइमा वडा सचिव राम श्रेष्ठले चालु आर्थिक वर्षमा दुई करोड ६० लाख रुपैयाँ बराबरका ६५ वटा आयोजना सञ्चालन गरिएको जानकारी दिए। उहाँले एक करोड चार लाख ७१ हजार रुपैयाँभन्दा बढी राजस्व संकलन भएको तथा महिला, ज्येष्ठ नागरिक, बालबालिका, अपाङ्गता भएका व्यक्ति, शिक्षा, स्वास्थ्य र विपद् व्यवस्थापनलगायत क्षेत्रमा कार्यक्रम सञ्चालन गरिएको बताउनु भयो।
कार्यक्रममा सहभागी स्थानीयवासीले सडकमा अव्यवस्थित पार्किङ नियन्त्रण, खानेपानी र ढल व्यवस्थापन सुधार, वडा कार्यालयको आफ्नै भवन निर्माण, स्वास्थ्य बीमाको प्रभावकारिता वृद्धि तथा सार्वजनिक सेवामा थप सुधारको माग गरेका थिए।
प्रहरी वृत्त ठिमीका प्रमुख डीएसपी निसान थापाले लागुऔषध प्रयोग र कारोबार बढ्दो क्रममा रहेको भन्दै समुदायस्तरबाटै सचेतना र निगरानी आवश्यक रहेको बताउनु भयो । अपराध नियन्त्रणका लागि गुणस्तरीय सीसी क्यामेरा विस्तार तथा घरभाडामा बस्ने व्यक्तिको विवरण अद्यावधिक राख्न उहाँले आग्रह गर्नु भएको थियोे ।
वडाध्यक्ष सानुकाजी कायस्थले वडामा हालसम्म १३ वटा पुल, ११ किलोमिटर कालोपत्रे सडक र १० किलोमिटर सडक ढलान गरिएको जानकारी दिए। १ हजार ६ सयभन्दा बढी खानेपानीका धारा वितरण गरिएको उल्लेख गर्दै उहाँले सडक, पार्क, बालउद्यान, फुटसल, वडा भवन तथा अन्य पूर्वाधार विकासका काम तीव्र गतिमा अघि बढिरहेको बताउनु भयो ।
कायस्थले २०७४ देखि २०७९ सम्म पर्याप्त बजेट प्राप्त भए पनि यस पटक संघीय सरकारले स्थानीय तहका योजना कटौती गर्दै गएको गुनासो गर्नु भयो। चालु आर्थिक वर्षमा संघीय सरकारबाट वडाका लागि कुनै बजेट प्राप्त नभएको उल्लेख गर्दै उहाँले अधुरा योजनालाई प्रदेश सरकार र नगरपालिकाको स्रोतबाट सम्पन्न गर्ने प्रतिबद्धता जनाउनु भयो ।
उहाँले कृषि उत्पादन वृद्धि, बजार व्यवस्थापन, योग तथा आध्यात्मिक गतिविधिको प्रवर्द्धनमा समेत स्थानीय तहले आवश्यक सहयोग गर्ने बताउनु भयो।
सार्वजनिक सुनुवाइमा उठेका विषयहरूले स्थानीय तहमा पूर्वाधार विकाससँगै खानेपानी, स्वास्थ्य, सुरक्षा र सेवा प्रवाहका मुद्दा अझै नागरिकका प्राथमिक सरोकारका रूपमा रहेको देखाएका छन्। स्थानीय विकासका योजना कार्यान्वयनमा स्रोत अभाव चुनौतीका रूपमा देखिए पनि नागरिकले प्रभावकारी सेवा र उत्तरदायी शासनको अपेक्षा भने कायम राखेका छन्।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
निजामती सेवामा व्यापक पुनःसंरचनाको तयारी
ठेक्का प्रक्रियामा अनियमितता : प्रतिस्पर्धीलाई
धान बालीमा कृषि यान्त्रीकरण :
फिफा विश्वकप २०२६ हेर्न डिशहोमको
भेडा-भेडासँग बाख्रा-बाख्रासँग
मध्यपूर्वको अवस्था सहज भएसँगै पेट्रोलियम