काठमाडौं । एशियन कलेज अफ लले ‘नमुना संसद कार्यक्रम’ दोस्रो संस्करणको आयोजना गरेको छ । कक्षा ११ र १२ मा अध्ययनरत १०० जना भन्दा बढी विद्यार्थीको सहभागितामा कलेजकै सभाहलमा कार्यक्रम आयोजना गरिएको हो । गत वर्ष कलेजले गरेको प्रथम नमुना संसद कार्यमको दोस्रो संस्करणको रूपमा कलेजले यस वर्ष उक्त कार्यक्रमको ‘दोस्रो संस्करण-२०८३’ आयोजना गरेको हो ।
विद्यार्थीहरूलाई संसदीय अभ्यास सिकाउँदै कार्यविधिमा जानकार बनाउन कार्यक्रमको आयोजना गरिएको कलेजका प्राध्यापक एवम् अध्यक्ष प्रा.डा. बलबहादुर मुखियाले बताउनु भयो । कार्यक्रमको उद्घाटन सत्रको प्रमुख आतिथ्यता गर्नु भएकी त्रिवि कानुन संकायकी सहायक डिन डा. लक्ष्मी शर्माले यस्ता कार्यक्रमले विद्यार्थीहरुको नेतृत्व तथा उत्तरदायी क्षमता अभिवृद्धि गर्ने बताउनु भयो ।
नमुना संसद कार्यक्रममा ‘पर्यटन विधेयक-२०८३’ उपर छलफल गरिएको थियो । सत्तापक्ष, प्रतिपक्ष समेतको सहभागिता रहेको उक्त कार्यक्रममा सरकारका तर्फबाट विभिन्न मन्त्री एवम् प्रधानमन्त्रीको समेत जिम्मेवारी तोकिएको थियो । संसद्मा हुने गतिविधिअन्तर्गत आकस्मिक समय, शुन्य समय र विशेष समयमा सांसदहरूलाई बोल्न दिइएको थियो भने सरकारका तर्फबाट मन्त्रीहरूले विभिन्न सांसदले उठाएका प्रश्नहरूको जवाफ दिएका थिए ।
नमुना संसदीय अभ्यासमा विद्यार्थीहरूले आ-आफ्ना विषयवस्तुलाई निक्कै रोचक एवम् आकर्षक ढंगबाट प्रस्तुत गरेका थिए । संसदमा हुने सरकार पक्ष र प्रतिपक्षी दलहरूको भुमिकालाई प्रष्ट रूपमा हेर्न र बुझ्न सकिने गरि सहभागी विद्यार्थीहरूले प्रस्तुतीकरण दिएका थिए ।
कार्यक्रममा उत्कृष्ट वक्ता, उत्कृष्ट रणनीतीकार र उत्कृष्ट अनुसन्धानकर्ता गरी उत्कृष्ट तीन जनालाई प्रमाणपत्रसहित जनही पाँच हजारको दरले पुरस्कृत गरिएको थियो भने अन्य सहभागीहरूलाई प्रमाणपत्रद्वारा सम्मान गरिएको थियो । सम्मान कार्यक्रमका प्रमुख आतिथिको रूपमा रहनु भएका नेपाल खुला विश्वविद्यालयका उपकुलपति डा. जीवन खड्काले यस्ता प्रकारका कार्यक्रमले विद्यार्थीहरूमा व्यवहारिक ज्ञानलाई अभिवृद्धि गर्न सघाउ पुर्याउने बताउनु भयो । कार्यक्रमको विशिष्ट अतिथिको रूपमा रहनु भएका नेपाल कानुन आयोगका निवर्तमान अध्यक्ष वरिष्ठ अधिवक्ता प्रा.डा. लक्ष्मीप्रसाद मैनालीले नमुना संसद कार्यक्रममा विद्यार्थीहरुले वास्तविक संसदको झल्को दिएको टिप्पणी गर्नु भएको थियो ।
त्यस्तै, कार्यक्रमका विशिष्ट अतिथि नेपाल प्रहरीका अतिरिक्त प्रहरी महानीरिक्षक राजन अधिकारीले कानुन निर्माणमा विद्यार्थीहरुको सहभागिताले समाजमा कानुनको पालनामा ठूलो योगदान पुर्याउने बताउनुभयो ।
एशियन कलेज अफ ल का प्रबन्ध निर्देशक इन्द्र शेखर खड्काले कानुन पढाई हुने कलेजहरूमा यस्ता किसिमका कार्यक्रमहरू आयोजना हुनुले विद्यार्थीहरूको व्यक्तित्व विकास हुने र कानुन निर्माण प्रकृयाबारे अझ बढी जानकार रहने बताउनु भएको थियो । यस्ता कार्यक्रमले विद्यार्थीहरुको व्यक्तित्व विकासमा अब्बल भूमिका निर्वाह गर्न मद्दत पुग्ने उहाँको भनाई थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर