काठमाडौं । भारतीय पक्षबाट रोकिएको नेपाली चियाको निर्यात पुनः सुचारु भएको छ। उद्योग, वाणिज्य तथा आपूर्ति मन्त्रालयका अनुसार उद्योगमन्त्री गौरीकुमारी यादवको पहल र मन्त्रालयको निरन्तर कूटनीतिक संवादपछि मंगलबारदेखि भारततर्फ चिया निकासी पुनः सुरु भएको हो।
गुणस्तर परीक्षणको कारण देखाउँदै भारतले नेपाली चिया निकासीमा अवरोध गरेपछि केही समयदेखि निर्यात प्रभावित भएको थियो। त्यसको असरस्वरूप झापाका ३० वटा सीटीसी (सीटीसी) तथा इलामका ६५ वटा अर्थोडक्स चिया उद्योग असार १ गतेदेखि बन्द भएका थिए।
चिया क्षेत्रमा उत्पन्न संकटप्रति प्रधानमन्त्री बालेन्द्र शाहले समेत चासो व्यक्त गर्नुभएको थियो। त्यसपछि उद्योग मन्त्रालयले भारतीय अधिकारीहरूसँग कूटनीतिक तथा प्राविधिक तहमा निरन्तर छलफल अघि बढाएको जनाएको छ।
मन्त्रालयका अनुसार अब उप्रान्त गुणस्तर परीक्षण वा अन्य कुनै पनि बहानामा नेपाली चिया निकासीमा अवरोध नपुर्याउने सहमति भएको छ।
निकासी पुनः सुचारु भएसँगै चिया उद्योगी, मजदुर तथा किसानले राहत महसुस गरेका छन्। साथै, बन्द रहेका ९५ वटा चिया उद्योग पनि पुनः सञ्चालनमा आउने मन्त्रालयले जनाएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर