काठमाडौं । विश्वप्रसिद्ध मोबाइल खेल पब्जी मोबाइलले आफ्नो आगामी संस्करण ४.५ मार्फत लोकप्रिय एनिमे शृंखला नारुटो शिप्पुडेनसँग विशेष सहकार्य गर्ने घोषणा गरेको छ । आगामी साउन २५ गते (जुलाई ९) देखि उपलब्ध हुने नयाँ संस्करणमार्फत खेलाडीहरूले नारुटोबाट प्रेरित नयाँ खेल शैली, विशेष सुविधा, रूपान्तरित खेल वातावरण तथा रोमाञ्चक अनुभव लिन सक्नेछन् ।
पब्जी मोबाइलको आठ वर्षे इतिहासकै सबैभन्दा महत्वाकांक्षी सहकार्यमध्ये एक मानिएको यस अभियानमार्फत खेलाडीहरूले पहिलोपटक नारुटो शिप्पुडेनको संसारलाई पब्जी मोबाइलभित्र अन्तरक्रियात्मक रूपमा अनुभव गर्न पाउनेछन् ।
नारुटो निर्माण समितिको प्रत्यक्ष निगरानीमा तयार गरिएको यस सहकार्यअन्तर्गत खेलाडीहरूले नारुटो शिप्पुडेनबाट प्रेरित विशेष खेल शैली, चर्चित स्थान तथा पात्रसँग सम्बन्धित विविध अनुभव प्राप्त गर्नेछन् । खेलाडीहरूले हिडन लिफ गाउँ, होकागे शिला र अन्तिम उपत्यकाजस्ता नारुटो कथाका महत्वपूर्ण स्थानमा खेल्न सक्नेछन् ।
त्यसैगरी खेलाडीहरूले चिडोरी, रासेङ्गन, छायाँ प्रतिरूप जुत्सु र उड्ने गर्जन जुत्सुजस्ता चर्चित निन्जुत्सु सीप प्रयोग गर्न सक्नेछन् । साथै, नारुटो कथाको केन्द्रमा रहेको नौ पुच्छ्रे जनावरसँग विशेष भिडन्त गर्ने अवसर पनि उपलब्ध हुनेछ ।
यस सहकार्यअन्तर्गत नारुटो, सासुके, साकुरा, काकाशी, हिनाटा, सुनाडे, जिराइया, गारा र मादारालगायत लोकप्रिय पात्रमा आधारित विशेष पोसाक तथा अन्य सामग्री पनि खेलाडीहरूले प्राप्त गर्न सक्नेछन् । थप विषयवस्तु क्रमशः सार्वजनिक गरिने कम्पनीले जनाएको छ ।
यस अवसरमा पब्जी मोबाइल प्रकाशन विभागका प्रमुख भिन्सेन्ट वाङले नवीन सहकार्य र उत्कृष्ट खेल अनुभवमार्फत अन्तरक्रियात्मक मनोरञ्जनमा नयाँ मापदण्ड स्थापित गर्ने प्रतिबद्धताअनुसार यो सहकार्य गरिएको बताए । उनका अनुसार नारुटोको विश्वव्यापी लोकप्रियता र समर्पित प्रशंसक समुदायका कारण यो सहकार्य स्वाभाविक छनोट बनेको हो ।
सन् १९९९ देखि सुरु भएको नारुटो विश्वकै सबैभन्दा लोकप्रिय तथा प्रभावशाली एनिमे र मङ्गा शृंखलामध्ये एकका रूपमा परिचित छ । यसले विश्वभर करोडौं दर्शक तथा प्रशंसकको मन जित्दै दीर्घकालीन लोकप्रियता कायम राखेको छ ।
पब्जी मोबाइलले संस्करण ४.५ र नारुटो शिप्पुडेनसँगको सहकार्यसम्बन्धी थप जानकारी छिट्टै सार्वजनिक गर्ने जनाएको छ । खेलाडीहरूले पब्जी मोबाइल एप स्टोर तथा गुगल प्ले स्टोरबाट निःशुल्क डाउनलोड गरी खेल्न सक्नेछन्।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर