काठमाडौं । काठमाडाैं उपत्यका ट्राफिक प्रहरी कार्यालयले राहदानी विभाग अगाडि एक युवाले गरेको आत्मदाह प्रयासलाई ट्राफिक जरिवानासँग जोडेर सामाजिक सञ्जाल र केही सञ्चारमाध्यममा फैलाइएका समाचार तथ्यहीन र भ्रामक रहेको जनाएको छ।
शुक्रबार प्रेस विज्ञप्ति जारी गर्दै कार्यालयले असार २५ गते त्रिपुरेश्वरस्थित राहदानी विभाग अगाडि मुगुको सोरु गाउँपालिका–१ का २५ वर्षीय गणेश नेपालीले आत्मदाहको प्रयास गरेको घटनालाई ट्राफिक प्रहरीले जरिवाना तिराएकै कारण भएको भन्ने दाबी पूर्णतः गलत रहेको स्पष्ट पारेको हो।
ट्राफिक प्रहरीका अनुसार घटनास्थलको वस्तुस्थिति तथा प्रारम्भिक अनुसन्धानका क्रममा गणेश नेपालीलाई ट्राफिक प्रहरीले कुनै पनि प्रकारको जरिवाना नगरेको र उक्त घटनाको ट्राफिक कारबाहीसँग कुनै सम्बन्ध नरहेको पुष्टि भएको छ।
कार्यालयले घटनाको वास्तविक कारणबारे सम्बन्धित निकायबाट कानुनी प्रक्रिया अनुसार अनुसन्धान भइरहेको जनाएको छ। अनुसन्धान निष्कर्षमा नपुग्दै आधिकारिक पुष्टि बिना सुरक्षा निकायको नाम जोडेर समाचार तथा सामग्री सम्प्रेषण गर्दा आम नागरिकमा भ्रम फैलिने भएकाले त्यस्ता अफवाहको पछि नलाग्न आग्रह गरिएको छ।
काठमाडौँ उपत्यका ट्राफिक प्रहरी कार्यालयले अनुसन्धानको वस्तुनिष्ठ निष्कर्ष नआउँदासम्म कपोलकल्पित तथा तथ्यहीन समाचार प्रसारण नगर्न सञ्चारमाध्यम, सामाजिक सञ्जाल प्रयोगकर्ता र सर्वसाधारणलाई अपिल गरेको छ।
कार्यालयले आधिकारिक स्रोतबाट पुष्टि भएका तथ्यलाई मात्र आधार बनाएर सूचना सम्प्रेषण गर्न आग्रह गर्दै घटनाबारे अनुसन्धान जारी रहेको जनाएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर