काठमाडौं । नेपाली कांग्रेसका सांसद खड्कबहादुर शाहीले गणेश नेपालीको मृत्यु प्रकरणमा सरकारको कार्यशैलीप्रति गम्भीर प्रश्न उठाउँदै गरिब तथा विपन्न नागरिक राज्यको व्यवहारका कारण चरम निराशामा पुग्न बाध्य भएको आरोप लगाउनुभएको छ।
शुक्रबार प्रतिनिधिसभाको बैठकमा बोल्दै सांसद शाहीले गणेश नेपालीको स्वास्थ्य अवस्था अत्यन्त गम्भीर रहेको जानकारी आफूले अघिल्लो दिन नै पाएको बताउँदै सरकारमाथि घटनालाई लिएर अनावश्यक प्रचारबाजी गरेको आरोप लगाउनुभयो।
उहाँका अनुसार बिहीबार वीर अस्पताल पुग्दा चिकित्सकहरूले गणेश नेपालीको बाँच्ने सम्भावना अत्यन्त न्यून रहेको बताएका थिए। “डाक्टरहरूले करिब ९५ प्रतिशत बाँच्ने सम्भावना नरहेको बताउनुभएको थियो,” उहाँले संसद्मा भन्नुभयो।
सांसद शाहीले गृहमन्त्रीसहित सरकारी पक्षले रातभर विभिन्न गतिविधि गरेर उपचारका लागि प्रयास भइरहेको सन्देश दिए पनि गणेश नेपालीको मृत्यु भएको जानकारी समयमै सार्वजनिक नगरिएको आरोप लगाउनुभयो।
उहाँले आफूहरू स्वास्थ्यमन्त्री, वीर अस्पतालका डिन तथा चिकित्सकहरूसँग भेटेर मृत्यु भएको घोषणा किन ढिला गरिएको भन्ने विषयमा प्रश्न उठाएको पनि बताउनुभयो। साथै, अस्पतालले उपचार जारी रहेको भन्दै पत्रकार सम्मेलन गरेकोप्रति पनि असन्तुष्टि व्यक्त गर्नुभयो।
सांसद शाहीले सरकारले जनतामाथि हैकमवादी शैली अपनाएको आरोप लगाउँदै घटनाको निष्पक्ष छानबिन हुनुपर्ने माग गर्नुभयो। साथै, गणेश नेपालीको मृत्यु प्रकरणमा न्यायको माग गर्दै आन्दोलनमा सहभागी हुन मुगुवासी तथा न्यायप्रेमी सम्पूर्ण नेपालीलाई आह्वान गर्नुभएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर