एजेन्सी । सन् २०२६ जुलाई १९ मा न्यूयोर्क न्यू जर्सी स्टेडियममा हुने फिफा विश्वकपको फाइनल खेलमा इतिहासमै पहिलोपटक ‘हाफटाइम शो’ (खेलको बीचको समयमा हुने विशेष प्रस्तुति) आयोजना गरिँदैछ ।
यस ऐतिहासिक कार्यक्रममा विश्वचर्चित गायक जस्टिन बिबर पनि मुख्य कलाकारका रूपमा थपिनुभएको छ । उहाँले म्याडोना, शाकिरा र दक्षिण कोरियाली ब्याण्ड बीटीएससँगै मञ्च साझा गर्नुहुने छ ।
११ मिनेट चल्ने यस भव्य कार्यक्रममा अफ्रिकी स्टार बर्ना बोय, भेनेजुएलाका प्रसिद्ध कन्डक्टर गुस्ताभो डुडामेल, र कोल्डप्लेले पनि आफ्नो प्रस्तुति दिनुहुनेछ । यस कार्यक्रमको संयोजन कोल्डप्लेका क्रिस्टोफर मार्टिनले गरिरहनुभएकोछ ।
यो ‘हाफटाइम शो’ केवल मनोरञ्जनका लागि मात्र होइन । यसको मुख्य उद्देश्य ‘फिफा ग्लोबल सिटिजन एजुकेशन फन्ड’ का लागि १० करोड अमेरिकी डलर (१०० मिलियन डलर) जुटाउनु हो ।
यस रकमबाट विश्वभरका विपन्न बालबालिकाहरूको शिक्षा र फुटबल खेल्ने अवसरमा लगानी गरिनेछ । हालसम्म पाँच करोड डलरभन्दा बढी संकलन भइसकेको छ । विश्वकप २०२६ को प्रत्येक टिकट बिक्रीबाट एक डलर यसै कोषमा जम्मा हुने फिफाले जनाएको छ ।
बालबालिकाहरूलाई शिक्षाको सन्देश दिनका लागि विश्वविख्यात पात्रहरू ‘सेसेमी स्ट्रिट’ र ‘मपेट्स’ पनि यस शोको हिस्सा हुनेछन् ।
यस शैक्षिक कोषलाई व्यवस्थित गर्न फिफाले एउटा उच्चस्तरीय सल्लाहकार समिति बनाएको छ । जसमा फिफा अध्यक्ष जियानी इन्फान्टिनो, गायिका शाकिरा, अभिनेता ह्यु ज्याकम्यान, अमेरिकी उद्यमी इभान्का ट्रम्प, टेनिस सुन्दरी सेरेना विलियम्स र फुटबल लेजेन्ड काका जस्ता हस्तीहरू रहनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
चोलुङ पार्कमा सिरिजङ्गा पाण्डुलिपि विज्ञानालय
वीरगन्जमा ट्याङ्करबाट तेल चोरी गर्दै
स्कुटर यात्रामा बेहोस भएका युवकको
वर्षाले सडक सञ्जाल प्रभावित, यात्रामा
बिलिङ संस्कारको विकास गर्न ‘नेशनल
मकवानपुरमा पाँच वर्षमा ४२ जनाको