महेन्द्रनगर । बझाङको केदारस्यूँ गाउँपालिकामा शनिबार अपराह्न भएको जीप दुर्घटनामा तीन जनाको घटनास्थलमै मृत्यु भएको छ भने सात जना गम्भीर घाइते भएका छन्।
सुदूरपश्चिम प्रदेश प्रहरी कार्यालयका अनुसार केदारस्यूँ गाउँपालिका–७ काँडाचौरबाट दुर्गाथली गाउँपालिकाको चुहावनतर्फ जाँदै गरेको जीप दुर्घटनामा परेको हो। दुर्घटनामा तीन जनाको घटनास्थलमै मृत्यु भएको प्रहरीले जनाएको छ।
जिल्ला प्रशासन कार्यालय बझाङकी सूचना अधिकारी सत्याकुमारी जोशीका अनुसार घाइतेहरूको उद्धारका लागि सुर्खेतबाट नेपाली सेनाको हेलिकप्टर पठाइएको भए पनि खराब मौसमका कारण दुर्घटनास्थलमा अवतरण गर्न नसकेको छ। हाल स्थानीयवासी र सुरक्षाकर्मीहरू उद्धार कार्यमा सक्रिय रहेका छन्।
सुदूरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी) सानुराम भट्टराईले दुर्घटनास्थलमा सदरमुकाम चैनपुरबाट चारवटा एम्बुलेन्स परिचालन गरिएको जानकारी दिनुभयो।
प्रहरीका अनुसार जीपमा १५ जना सवार रहेका थिए। दुर्घटनाका घाइतेहरूको उपचार तथा उद्धार कार्य जारी रहेकाले घटनाको थप विवरण आउन बाँकी रहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर