काठमाडौं । सुकुम्बासीमाथि सरकारले दमन गरेको आरोप लगाउँदै संयुक्त राष्ट्रिय सुकुम्बासी मोर्चा, नेपालले आइतबार काठमाडौंको माइतीघर मण्डलामा प्रदर्शन गरेको छ।
कीर्तिपुरस्थित होल्डिङ सेन्टरमा आश्रय लिइरहेका सुकुम्बासीले विरोध जनाएपछि सरकारले बल प्रयोग गरी नियन्त्रणमा लिएको भन्दै त्यसको विरोधमा प्रदर्शन आयोजना गरिएको मोर्चाले जनाएको छ।
मोर्चाका कार्यवाहक अध्यक्ष नारायण परिश्रमीले सरकारले गरिब तथा सुकुम्बासी समुदायमाथि दमन गरेको आरोप लगाउँदै अब देशव्यापी आन्दोलन चर्काइने चेतावनी दिए।
उनले सुकुम्बासीको सुरक्षित व्यवस्थापन गर्न नसके सरकारले उनीहरूलाई पुनः आफ्नै बस्तीमा बस्न दिनुपर्ने माग गर्दै व्यवस्थापनको नाममा थप जोखिममा पारिएको आरोप लगाए।
प्रदर्शनका क्रममा सहभागीहरूले सरकारविरुद्ध नाराबाजी गर्दै सुकुम्बासीमाथिको दमन र गैरन्यायिक पक्राउ अन्त्य गर्न माग गरेका थिए। उनीहरूले सुकुम्बासीको सम्मानजनक र दीर्घकालीन व्यवस्थापन गर्न तथा बल प्रयोगको नीति त्यागेर संवादमार्फत समस्या समाधान गर्न सरकारसँग आग्रह गरे।
प्रदर्शनमा ‘सुकुम्बासीमाथिको अन्याय बन्द गर’, ‘जनताको आवाज दबाउन पाइँदैन’, ‘गरिबमाथिको दमन बन्द गर’ लगायतका नारासहित विभिन्न प्लेकार्ड प्रदर्शन गरिएको थियो।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर