काठमाडौं । कवि हरिप्रसाद चौलागाईंको कवितासंग्रह ‘देश बाँचे म बाँच्दछु’ राजधानीमा आयोजित एक समारोहबीच आइतबार लोकार्पण गरिएको छ । प्राडा.रामप्रसाद ज्ञवाली, प्राडा.लक्ष्मणप्रसाद गौतम, साहित्यकार श्रीओम श्रेष्ठ ‘रोदन’, समालोचक ठाकुर शर्मा भण्डारी, कवि हरिप्रसाद चौलागाईं तथा रामसुन्दर देउजालगायतले संयुक्त रूपमा कृतिको लोकार्पण गर्नुभएको हो ।
कार्यक्रमका प्रमुख अतिथि प्राडा.ज्ञवालीले कविताको मूल तत्व भावना भएको उल्लेख गर्दै लय, शब्दको सौन्दर्य र भावको सन्तुलनले मात्र कविता उत्कृष्ट बन्ने बताउनुभयो । ‘कवितामा लयको माधुर्य, शब्दको सौन्दर्य र भाव हुनुपर्छ । त्यसपछि मात्र कविता सुन्दर हुन्छ,’ उहाँले भन्नुभयो ।
प्राडा.गौतमले चौलागाईंको व्यक्तित्व र सिर्जनाबीच समानता रहेको टिप्पणी गर्दै संग्रहमा नेपाली कविता क्षेत्रमा कम प्रयोग हुने छन्दहरूको समेत प्रयोग गरिएको बताउनुभयो । उहाँका अनुसार संग्रहका कविताले सरल भाषामार्फत गहिरो भाव सम्प्रेषण गरेका छन् ।
कृतिमाथि समीक्षा गर्दै समालोचक ठाकुर शर्मा भण्डारीले कवितामा विविध विषय समेटिएको र संवेदनशील ढंगले भाव अभिव्यक्त गरिएको बताउनुभयो । उहाँले समाजका संगति-विसंगतिलाई सकारात्मक दृष्टिकोणका साथ प्रस्तुत गरिएको उल्लेख गर्दै पदयोग र वियोगमा केही कमजोरी देखिए पनि छन्दगत रूपमा कृति सुदृढ रहेको धारणा राख्नुभयो ।
साहित्यकार श्रीओम श्रेष्ठ ‘रोदन’ले उमेरले सिर्जनशीलतालाई रोक्न नसक्ने उदाहरणका रूपमा चौलागाईंको कृतिलाई प्रस्तुत गर्दै कविताहरू सरल, शालीन र कविको व्यक्तित्वसँग मेल खाने खालका रहेको बताउनुभयो । कार्यक्रममा साहित्यकार, समालोचक, कवि तथा विभिन्न क्षेत्रका व्यक्तित्वहरूको उल्लेखनीय उपस्थिति थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर