ललितपुर । ललितपुर महानगरपालिकाको सहयोग तथा जावलाखेल भलिबल प्रशिक्षण केन्द्रको आयोजनामा सम्पन्न बागमती प्रदेशस्तरीय मेयर कप महिला तथा पुरुष भलिबल प्रतियोगिताको पुरुषतर्फ ललितपुर महानगरपालिका तथा महिलातर्फ बेथानचोक गाउँपालिकाले उपाधि जितेका छन् । जावलाखेलस्थित भलिबल प्रशिक्षण केन्द्रको कोर्टमा भएको पुरुष फाइनलमा ललितपुर महानगरपालिकाले महांकाल गाउँपालिकालाई सोझो सेटमा तीन-शून्यले पराजित गर्दै उपाधि उचाल्यो । ललितपुर २५-२०, २५-१५ र २५-२० को सेटमा जित निकाल्दै च्याम्पियन बन्यो । प्रतियोगिताको पुरुषतर्फ माडी नगरपालिका तेस्रो स्थानमा रह्यो ।
महिलातर्फको फाइनलमा बेथानचोक गाउँपालिकाले काठमाडौं महानगरपालिकालाई तीन-एकको सेटमा पराजित गर्दै उपाधि आफ्नो नाममा गर्यो । बेथानचोकले पहिलो सेट २५-१६ ले जिते पनि दोस्रो सेट २१-२५ ले गुमाएको थियो । त्यसपछि तेस्रो सेट २५-२३ र चौथो सेट २५-८ ले जित्दै बेथानचोकले उपाधिमा कब्जा जमायो । महिलातर्फ ललितपुर महानगरपालिका तेस्रो स्थानमा सीमित रह्यो । प्रतियोगिताको पुरुष र महिलातर्फका विजेता टोलीले समान दुई लाख रुपैयाँ तथा उपविजेता टोलीले एक लाख रुपैयाँ पुरस्कार प्राप्त गरे ।
व्यक्तिगत विधातर्फ पुरुषमा ललितपुर महानगरपालिकाका अशोक श्रेष्ठ र महिलामा बेथानचोक गाउँपालिकाकी रिक्जना भोटे सर्वोत्कृष्ट खेलाडी घोषित हुनुभयो । दुवैले जनही १० हजार रुपैयाँ नगद पुरस्कार प्राप्त गर्नुभयो ।
महिलातर्फ उत्कृष्ट स्पाइकर काठमाडौं महानगरपालिकाकी सुनिता बस्नेत, उत्कृष्ट सेटर बेथानचोककी पूर्णकला केसी, उत्कृष्ट ब्लकर काठमाडौंकी सारिका कार्की तथा उत्कृष्ट लिबेरो ललितपुरकी स्मृति राई घोषित हुनुभयो । उहाँहरूले जनही पाँच हजार रुपैयाँ पुरस्कार पाउनुभयो ।
पुरुषतर्फ उत्कृष्ट स्पाइकर महांकाल गाउँपालिकाका बलदेवसिंह धामी, उत्कृष्ट सेटर ललितपुरका सुवास कुँवर, उत्कृष्ट ब्लकर ललितपुरका चिरन खड्का, उत्कृष्ट सर्भर महांकालका अनिल सिंह तथा उत्कृष्ट लिबेरो ललितपुरका राजन दर्लामी मगर घोषित हुनुभयो ।
प्रतियोगिताका विजेता तथा उत्कृष्ट खेलाडीहरूलाई ललितपुर महानगरपालिकाका प्रमुख चिरीबाबु महर्जन, उपप्रमुख मञ्जली शाक्य बज्राचार्यलगायतले पुरस्कार तथा प्रमाणपत्र वितरण गर्नुभएको थियो । असार २३ गतेदेखि सञ्चालन भएको प्रतियोगितामा बागमती प्रदेशका महिला र पुरुष गरी १६ टोलीको सहभागिता रहेको आयोजकले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर