काठमाडौं । एसिसी महिला यू-१९ प्रिमियर कप क्रिकेटमा नेपालले उत्कृष्ट प्रदर्शनलाई निरन्तरता दिँदै सिंगापुरलाई १५१ रनको फराकिलो अन्तरले पराजित गरेको छ । मलेसियामा आइतबार सम्पन्न समूह चरणको दोस्रो खेलमा प्रभावशाली जित निकाल्दै नेपाल एक खेलअगावै क्वाटरफाइनलमा प्रवेश गर्न सफल भएको हो ।
टस जितेर पहिले ब्याटिङ गरेको नेपालले निर्धारित २० ओभरमा विकेट नगुमाई १९९ रनको विशाल योगफल तयार गर्यो । नेपाली ओपनर जोडी साना प्रविन र सावित्री धामीले सुरुदेखि नै आक्रामक खेल प्रस्तुत गर्दै सिंगापुरका बलरमाथि दबाब बनाउनुभएको थियो ।
साना प्रविनले ७० बलमा १३ चौका प्रहार गर्दै अविजित ९८ रन बनाउनुभयो । उहाँ नेपाली महिला यू-१९ टोलीका लागि दोस्रो शतक बनाउने खेलाडी बन्ने अवसरबाट मात्र २ रनले वञ्चित हुनुभयो । यसअघि पूजा महतोले २०२४ मा १३० रनको इनिङ खेल्नुभएको थियो ।
अर्की ओपनर सावित्री धामीले पनि उत्कृष्ट साथ दिँदै ५३ बलमा ७८ रनको अविजित इनिङ खेल्नुभयो । दुवै खेलाडीले पहिलो विकेटका लागि अविजित १९९ रनको साझेदारी गर्दै नेपाली टोलीलाई मजबुत स्थितिमा पुर्याउनुभयो । सिंगापुरले नेपालविरुद्ध ६ जना बलर प्रयोग गरे पनि कुनै विकेट लिन सकेन ।
२०० रनको लक्ष्य पछ्याएको सिंगापुर नेपाली बलिङ आक्रमणसामु निरीह देखियो । २० ओभरमा ८ विकेट गुमाएर ४८ रनमात्र बनाउन सकेपछि सिंगापुर १५१ रनले पराजित भयो । सिंगापुरका लागि अंकिथा वर्ष राजले १९ रन बनाए पनि अन्य कुनै ब्याटरले दोहोरो अंकमा रन जोड्न सकेनन् ।
नेपालका बलरमध्ये अनु कडायत सर्वाधिक सफल रहनुभयो । उहाँले ३ विकेट लिनुभयो । मनिषा उपाध्याय र रिया शर्माले समान दुई-दुई विकेट हात पार्दा कप्तान सोनी पाख्रिनले १ विकेट लिनुभयो ।
नेपालले प्रतियोगिताको पहिलो खेलमा कतारलाई १०५ रनले पराजित गरेको थियो । सिंगापुरविरुद्धको जितसँगै नेपालले समूहमा लगातार दोस्रो विजय दर्ता गरेको हो । समूह चरणको अन्तिम खेलमा नेपालले मंगलबार हङकङसँग प्रतिस्पर्धा गर्नेछ । उक्त खेलले समूहको शीर्ष स्थान निर्धारण गर्ने सम्भावना रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर