काठमाडौं । नेपाली उद्यमी दीपजंग थापा सह-संस्थापक रहेको भारतमा मुख्यालय रहेको आर्टिफिसियल इन्टेलिजन्स (एआई) जडित साइबर सुरक्षा कम्पनी क्रतिकल टेक लिमिटेडले एक ऐतिहासिक कोशेढुंगा हासिल गरेको छ । उक्त कम्पनीको प्राथमिक सेयर निष्कासन (आइपिओ) बम्बई स्टक एक्सचेन्ज (बिएसई) मा आकर्षक रूपबाट २०५.०८ गुणा ओभर सब्सक्राइब भएको छ । जसलाई भारतीय सेयर बजारमा नेपाली उद्यमी जोडिएको पहिलो सूचीकरण मानिन्छ । उक्त आइपिओ असार १६ मा खुला भएर असार १८ मा बन्द गरिँदा लगानीकर्ताको अत्यधिक विश्वास प्राप्त गरेको बताइएको छ । सन् २०१३ मा इञ्जिनियरिङ पढ्ने क्रममा तीन कलेज साथीहरू दीपजंग थापा, पवन कुमार र परतोष कुमारद्वारा स्थापित क्रतिकल टेक लिमिटेड अत्याधुनिक साइबर सुरक्षासम्बन्धी समाधानको एक विश्वसनीय नाम बनेको छ ।
नेपालको खोटाङ मूल घर भएका सह–संस्थापक थापा उक्त कम्पनीमा चिफ अपरेटिङ अफिसर (सिओओ)का रूपमा नेतृत्वदायी भूमिकामा हुनुहुन्छ । मोतीलाल नेहरू राष्ट्रिय प्रविधि संस्थान (एमएनएनआइटी) बाट बीटेक स्नातक उहाँले यसअघि पेटिएममा ‘प्रडक्ट म्यानेजर’का रूपमा काम गर्नुभएको थियो । थापाले भन्नुभयो, ‘खोटाङको पहाडदेखि बम्बई स्टक एक्सचेन्जको ट्रेडिङ फ्लोर पुग्दासम्मको यो यात्रा मेरा लागि सपनाजस्तै हो । लगानीकर्ताको यति ठूलो उत्साहले हाम्रो सोच अनुमोदन गरेको देख्दा हामी निकै नै धन्य भएका छौं । यस आइपिओ नै हाम्रो अन्तिम लक्ष्य होइन, यो त महत्त्वाकांक्षी यात्राको सुरुवातमात्र हो । नयाँ पुँजीसाथ हामी अब कम्पनीको विश्वव्यापी विस्तार तीव्र पार्न, हाम्रा नवीन प्लेटफर्म अझ बलियो बनाउन र सीमापार साइबर सुरक्षामा अझ ठूलो प्रभाव सिर्जना गर्न तयार भएका छौँ ।’
क्रतिकल टेक लिमिटेडको स्थापना सन् २०१३ मा हाल सह-संस्थापक एक जनाको इमेल क्याम्पसको साझा कम्प्युटरमार्फत् ह्याक भएसँगै भएको थियो । उक्त व्यक्तिगत घटनाले उनीहरूलाई साइबर सुरक्षाको व्यापक आवश्यकता उजागर गरेको थियो । आजका दिन कम्पनीले विशेषज्ञ परामर्श र नियामक कम्प्लायन्स सेवासहित एआई-सञ्चालित, सास-आधारित सुरक्षा प्लेटफर्म प्रदान गर्दछ । जसका समाधानहरूले बिएफएसआइ, फिनटेक, टेलिकम, आइटी-आइटिइएस, स्वास्थ्य सेवा, औषधि, ई-कमर्स, निर्माणलगायतका क्षेत्रमा भारत, मध्यपूर्वसहितका अन्तर्राष्ट्रिय बजारका ग्राहकलाई सेवा दिन्छ । झण्डै नौ वर्षअघि चार जना ‘एन्जल इन्भेस्टर्स’ बाट स्रोत जुटाएको क्रतिकल टेकको हाल मूल्य लगभग तीन सय २३ करोड नेपाली रुपैयाँ छ । आइपिओबाट प्राप्त लगानीले अमेरिका र मध्यपूर्वसहितका भूभागमा आक्रामक विस्तार योजनालाई प्रोत्साहन गर्ने कम्पनीले जनाएको छ । नेपालमा साइबर सुरक्षासम्बन्धी आफ्नो भूमिका विस्तारका क्रममा क्रतिकलले काठमाडौंस्थित प्रविधि कम्पनी ग्याप टेक्नोलोजिजसँग साझेदारी गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर