काठमाडौं । नबिल बैंकले ४२औँ वार्षिकोत्सव मनाउँदै ‘बैंकिङ एण्ड बियोन्ड’ अवधारणा थप सशक्त रूपमा अघि बढाउने घोषणा गरेको छ । बैंकले आर्टिफिसियल इन्टेलिजेन्स (एआई) मा आधारित बैंकिङ सेवा विस्तार गर्दै भविष्यको वित्तीय प्रणालीको नेतृत्व गर्ने प्रतिबद्धतासमेत जनाएको छ । वार्षिकोत्सवका अवसरमा आयोजित कार्यक्रममा बैंकका अध्यक्ष निर्वाणकुमार चौधरीले विगत ४२ वर्षदेखि नबिल बैंकको सबैभन्दा ठूलो सम्पत्ति ग्राहकको विश्वास रहेको बताउनुभयो । बैंकले परिवर्तनको प्रतीक्षा नगरी सधैँ त्यसको नेतृत्व गर्दै आएको उहाँको भनाइ थियो । उहाँका अनुसार नबिल बैंकले नेपालको पहिलो निजी वाणिज्य बैंकका रूपमा आधुनिक बैंकिङको सुरुवात गर्नुका साथै ‘एनबैंक’ एपमार्फत् डिजिटल बैंकिङलाई नयाँ उचाइमा पुर्याएको छ । बैंक अहिले वाणिज्य बैंकिङ, इन्भेस्टमेन्ट बैंकिङ, स्टक ब्रोकर, मर्चेन्ट बैंकिङ, क्यापिटल मार्केट र डिजिटल बैंकिङसहितको पूर्ण वित्तीय इकोसिस्टम प्रदान गर्ने नेपालको एकमात्र वित्तीय समूह बनेको छ ।
अध्यक्ष चौधरीले अबको बैंकिङ आर्टिफिसियल इन्टेलिजेन्सको युगमा प्रवेश गरिसकेको भन्दै नबिल बैंकले एआइलाई केन्द्रमा राखेर सेवा विस्तार गर्ने बताउनुभयो । बैंकका प्रमुख कार्यकारी अधिकृत मनोजकुमार ज्ञवालीले सन् १९८४ मा सुरु भएको बैंकको यात्रा लाखौं ग्राहकको विश्वास र हजारौं कर्मचारीको समर्पणका कारण आजको अवस्थामा पुगेको भन्दै नबिल नेपालको सबैभन्दा विश्वासिलो र भविष्यका लागि तयार बैंक बनाउने लक्ष्यसाथ अघि बढिरहेको बताउनुभयो । बैंकले देशको आर्थिक विकासका लागि कृषि, ऊर्जा, लघु तथा साना उद्योग र पर्यटन क्षेत्रमा लगानीलाई प्राथमिकता दिएको जनाएको छ । हाल बैंकले कृषि क्षेत्रमा ५३ अर्ब ३१ करोड, ऊर्जा क्षेत्रमा ५१ अर्ब छ करोड, लघु तथा मझौला उद्योगमा ४५ अर्ब ९२ करोड र पर्यटन क्षेत्रमा ११ अर्ब १० करोड कर्जा प्रवाह गरेको जनाएको छ ।
वित्तीय सूचकांकतर्फ पनि बैंकले उल्लेखनीय प्रगति गरेको जनाएको छ । आर्थिक वर्ष २०४१/४२ मा दुई करोड ८० लाख रहेको नेटवर्थ चालु आर्थिक वर्ष २०८२/८३ को तेस्रो त्रैमाससम्म ७० अर्ब ८३ करोड पुगेको छ भने खुद नाफा १० लाखबाट बढेर छ अर्ब ७६ करोड पुगेको छ । निक्षेप १४ करोड ६० लाखबाट बढेर पाँच खर्ब ८८ अर्ब ८५ करोड र कर्जा प्रवाह १३ करोड ३० लाखबाट बढेर चार खर्ब ६४ अर्ब १० करोड पुगेको बैंकले जनाएको छ । त्यस्तै कुल सम्पत्ति पनि २६ करोड ९० लाखबाट बढेर सात खर्ब १८ अर्ब ४२ करोड पुगेको बैंकले २६ लाखभन्दा बढी ग्राहकलाई सेवा प्रदान गर्दै आएको जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर