काठमाडौं । तेस्रो अन्तर्राष्ट्रिय नेपाली फिल्म अवार्ड (ईन्फा) २०२६ अन्तर्गत विभिन्न २० प्रतिस्पर्धात्मक विधाका उत्कृष्ट पाँच मनोनयन सार्वजनिक गरिएको छ । इन्फा इभेन्ट्स यूके र इन्फा नेपालको संयुक्त आयोजनामा काठमाडौंमा आयोजित कार्यक्रममा मनोनयन घोषणा गर्नुका साथै उत्कृष्ट पाँचभित्र पर्न सफल कलाकार तथा चलचित्रकर्मीलाई मनोनयन प्रमाणपत्रसमेत वितरण गरिएको हो ।
आयोजकका अनुसार यसवर्ष २०८२ साल वैशाख १ गतेदेखि चैत मसान्तसम्म प्रदर्शनमा आएका ४० भन्दा बढी नेपाली चलचित्रमध्येबाट अनुभवी तथा स्वतन्त्र निर्णायक मण्डलले निष्पक्ष मूल्यांकनका आधारमा उत्कृष्ट पाँच मनोनयन छनोट गरेको हो । निर्णायक मण्डलमा वरिष्ठ अभिनेता हरिहर शर्मा, वरिष्ठ अभिनेत्री गौरी मल्ल, वरिष्ठ निर्देशक तथा कलाकार रमेश बुढाथोकी तथा वरिष्ठ सम्पादक एवं गीतकार करुण थापा रहनुभएको छ ।
मनोनयन सार्वजनिक गर्नुअघि मनोनयनमा परेका चलचित्र तथा चलचित्रकर्मीको परिचय समेटिएको श्रव्यदृश्य (एभी) प्रदर्शन गरिएको थियो । त्यसपछि प्रत्येक विधामा उत्कृष्ट पाँचभित्र परेका कलाकार, निर्माता, निर्देशक, लेखक तथा प्राविधिकलाई मञ्चमा आमन्त्रण गरी मनोनयन प्रमाणपत्र प्रदान गरिएको थियो ।
कार्यक्रममा निर्देशक तथा अवार्ड चिफ कोअर्डिनेटर मनिष कार्कीले बेलायतमा सम्पन्न पहिलो र दोस्रो संस्करणबाट प्राप्त अनुभवका आधारमा यस वर्षको ईन्फा अवार्ड नेपालमै अझ भव्य, सभ्य र अन्तर्राष्ट्रियस्तरमा आयोजना गरिने बताउनुभयो । नेपाली चलचित्रलाई अन्तर्राष्ट्रिय बजारमा प्रवर्द्धन गर्दै विश्वसामु यसको पहिचान स्थापित गर्ने अभियानलाई अझ प्रभावकारी बनाइने उहाँको भनाइ थियो । यसैबीच नेपाली चलचित्र क्षेत्रमा पुर्याएको अतुलनीय योगदानको सम्मानस्वरूप वरिष्ठ कलाकार मदनकृष्ण श्रेष्ठलाई एक लाख ११ हजार १११ रुपैयाँ राशिको ‘लाइफटाइम एचिभमेन्ट अवार्ड’ प्रदान गरिने घोषणा गरिएको छ ।
ईन्फा अवार्डका पहिलो र दोस्रो संस्करण क्रमशः सन् २०२४ र २०२५ मा बेलायतको लण्डनमा सम्पन्न भएका थिए । तेस्रो संस्करण पहिलोपटक नेपालमा आयोजना हुनलागेको हो । अवार्ड समारोह आगामी साउन ३० गते काठमाडौंस्थित होटल याक एण्ड यतीमा आयोजना हुने आयोजकले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर