काठमाडौं । अभिनेता रेयर राई चलचित्र ‘कंगाल करोडपति’ मा अनुबन्धित हुनुभएको छ । निर्माण पक्षले राईको प्रवेशसँगै चलचित्रको कलाकार टोली थप सशक्त बनेको जनाएको छ । यसअघि चलचित्रका मुख्य भूमिकाका लागि अभिनेता मुकुन भुसाल र अभिनेत्री सलिना तामाङ अनुबन्धित भइसक्नुभएको छ । अब रेयर राई पनि कलाकार टोलीमा जोडिएसँगै चलचित्रप्रति दर्शकमाझ उत्सुकता बढ्ने अपेक्षा गरिएको छ ।
राजु श्रेष्ठको निर्देशनमा बन्न लागेको ‘कंगाल करोडपति’ पाठशाला प्रालिको ब्यानरमा निर्माण हुनलागेको हो । चलचित्रका प्रस्तुतकर्ता प्रवीण आचार्य हुनुहुन्छ भने निर्माता अनिलकुमार बुढाथोकी रहनुभएको छ ।
निर्माण टिममा छिरिङ तामाङ, प्रवीण राई र प्रवेश सापकोटा सह-निर्माताका रूपमा आबद्ध हुनुहुन्छ । त्यस्तै, रीता श्रेष्ठ तामाङ र सुरज कुमारले लाइन प्रोड्युसरको जिम्मेवारी सम्हाल्नुभएको छ ।
चलचित्रको कथा तथा पटकथा सुमन गजमेरले तयार पार्नुभएको हो । निर्माण पक्षका अनुसार हाल चलचित्रको छायांकन तयारी तीव्र बनाइएको छ । छायांकन हुने विभिन्न स्थानहरूको लोकेसन रेकी भइरहेको छ भने केही कलाकारलाई छायांकन हुने क्षेत्रबाटै छनोट गर्ने तयारी पनि गरिएको छ । यसबाट स्थानीय प्रतिभालाई चलचित्रमा अवसर प्रदान गर्ने उद्देश्य रहेको निर्माण पक्षको भनाइ छ ।
निर्माण टिमले चलचित्रका अन्य कलाकार, प्राविधिक टोली तथा छायांकन तालिकासम्बन्धी थप विवरण केही दिनभित्र सार्वजनिक गर्ने जनाएको छ । कलाकार छनोटसँगै पूर्वतयारीलाई तीव्र बनाएको ‘कंगाल करोडपति’ले फरक कथावस्तु र सशक्त कलाकारको संयोजनमार्फत नेपाली चलचित्र क्षेत्रमा नयाँ स्वाद दिने अपेक्षा गरिएको निर्माण पक्षले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर