मकवानपुर । मकवानपुरको इन्द्रसरोवर गाउँपालिका–२ स्थित सिमखोलामा आएको आकस्मिक बाढीमा सोमबार एक स्कुटरचालक स्कुटरसहित बेपत्ता भएका छन्। घटनापछि नेपाल प्रहरी, नेपाली सेना र सशस्त्र प्रहरी बलको संयुक्त टोलीले खोजी अभियानलाई तीव्र बनाएको छ।
जिल्ला प्रहरी कार्यालय मकवानपुरका अनुसार सोमबार अपराह्न करिब ३ बजेतिर कुलेखानी ड्यामनजिक रहेको सिमखोला पार गर्ने क्रममा स्कुटरसहित चालकलाई बाढीले बगाएको हो। स्थानीयवासीबाट सूचना प्राप्त हुनासाथ सुरक्षा निकायको टोली घटनास्थलमा परिचालन गरिएको थियो।
मकवानपुर प्रहरीका प्रवक्ता डिएसपी माधव काफ्लेले बेपत्ता भएका व्यक्तिको परिचय हालसम्म खुल्न नसकेको जानकारी दिनुभयाे। उहाँका अनुसार स्कुटरको नम्बर, चालकको ठेगाना तथा उनी कहाँबाट कहाँ जाँदै थिए भन्ने विवरणसमेत यकिन हुन बाँकी छ।
प्रारम्भिक जानकारीअनुसार बेपत्ता भएका व्यक्ति पुरुष हुन्। सुरक्षाकर्मीसँगै स्थानीय बासिन्दाले पनि खोलाको विभिन्न क्षेत्रमा खोजी जारी राखेका छन्। खोलामा पानीको बहाव अत्यधिक भएकाले खोजी तथा उद्धार कार्य चुनौतीपूर्ण बनेको प्रहरीले जनाएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर