काठमाडाैं । कुशल भुर्तेलको शतकीय इनिङ्स तथा हेमन्त धामीको उत्कृष्ट बलिङको मद्दतमा नेपालले जर्सीविरुद्धको पहिलो एकदिवसीय क्रिकेट खेलमा ८१ रनको प्रभावशाली जित हासिल गरेको छ ।
जर्सी भ्रमणमा रहेको नेपाली टोलीले दिएको २ सय ५१ रनको लक्ष्य पछ्याएको घरेलु टोली जर्सी ४१ ओभरमै १ सय ६९ रनमा अलआउट भएको हो । जर्सीका लागि चार्ली ब्रेननले सर्वाधिक ८२ रनको संघर्षपूर्ण इनिङ्स खेले पनि टोलीलाई हारबाट जोगाउन सक्नुभएन । अन्य ब्याट्सम्यानले अपेक्षाअनुसार योगदान दिन नसक्दा जर्सी लक्ष्यभन्दा निकै टाढा रोकिएको थियो ।
नेपालका बलरहरूले सुरुदेखि नै कसिलो प्रदर्शन गरेका थिए। विशेषगरी तीव्र गतिका बलर हेमन्त धामीले घातक बलिङ गर्दै ४ विकेट लिन सफल हुनुभयाे । आरिफ शेखले ३ विकेट हात पार्दा करण केसीले २ तथा सन्दीप लामिछानेले १ विकेट लिनुभयाे ।
यसअघि टस हारेर पहिले ब्याटिङको निम्तो पाएको नेपालले निर्धारित ५० ओभरमा ८ विकेट गुमाउँदै २ सय ५० रन बनाएको थियो । नेपालको इनिङ्समा ओपनर कुशल भुर्तेल नायक बन्नुभयाे । उहाँले संयमित र जिम्मेवार ब्याटिङ गर्दै १ सय ५ रनको उत्कृष्ट शतकीय इनिङ्स खेल्नुभयाे । उहाँको इनिङ्सले नेपाललाई प्रतिस्पर्धात्मक योगफलसम्म पुर्याउन महत्त्वपूर्ण भूमिका खेलेको थियो।
कुशललाई भीम सार्कीले ३९ रन बनाएर राम्रो साथ दिनुभएकाे थियाे । तल्लो क्रममा हेमन्त धामीले अविजित १९ रन जोड्दै टोलीको स्कोर अझ मजबुत बनाउनुभएकाे थियाे ।
अन्य ब्याट्सम्यानमध्ये आसिफ शेखले १६, कप्तान रोहित पौडेलले १५, आरिफ शेखले ११ तथा ईशान पाण्डेले १ रन बनाउनुभयाे ।
यस जितसँगै नेपालले दुई खेलको एकदिवसीय शृंखलामा १–० को अग्रता बनाएको छ । अब नेपालले जर्सी भ्रमणअन्तर्गत दोस्रो तथा अन्तिम एकदिवसीय खेल बुधबार खेल्ने कार्यक्रम रहेको छ । उक्त खेल जित्न सके नेपालले शृंखला क्लिनस्वीप गर्नेछ भने जर्सी शृंखला बराबरी गर्ने लक्ष्यका साथ मैदान उत्रिनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर