काठमाडौं । मलेसियामा जारी एसिसी महिला यू-१९ प्रिमियर कपमा नेपालले प्रभावशाली प्रदर्शनलाई निरन्तरता दिँदै समूह ‘डी’ को विजेताका रूपमा क्वाटरफाइनलमा स्थान सुरक्षित गरेको छ । मंगलबार मलेसियाको बायोमास ओभलमा सम्पन्न समूह चरणको अन्तिम खेलमा हङकङलाई १८१ रनको विशाल अन्तरले पराजित गर्दै नेपाल अन्तिम आठमा पुगेको हो ।
नेपालले प्रस्तुत गरेको २१२ रनको कठिन लक्ष्य पछ्याएको हङकङ नेपाली बलरहरूको कसिलो आक्रमणसामु निरीह देखियो । निर्धारित २० ओभरमा ९ विकेट गुमाउँदै मात्र ३० रन बनाउन सकेपछि हङकङले प्रतियोगिताकै एकतर्फी हार बेहोर्नुपर्यो । सुरुदेखि नै दबाबमा परेको हङकङका ब्याटरले नेपाली बलिङ र फिल्डिङको सामना गर्न सकेनन् ।
यसअघि टस हारेर पहिले ब्याटिङको निम्तो पाएको नेपालले निर्धारित २० ओभरमा ६ विकेट गुमाएर २११ रनको विशाल योगफल तयार गरेको थियो । नेपाली इनिङ्सको आधार कप्तान सोनी पाख्रिन र ओपनर सावित्री धामीले तयार पार्नुभयो । ओपनर सावित्री धामीले लगातार तेस्रो अर्धशतक प्रहार गर्दै ३६ बलमा ६ चौकाको सहयोगमा ५२ रन बनाउनुभयो । यससँगै उहाँ नेपालको महिला क्रिकेटमा लगातार तीन अर्धशतक बनाउने पहिलो खेलाडी बन्नुभएको छ । प्रतियोगिताभर उत्कृष्ट लयमा रहनुभएकी सावित्रीको यो उपलब्धिलाई नेपाली महिला क्रिकेटका लागि ऐतिहासिक मानिएको छ ।
कप्तान सोनी पाख्रिनले पनि आक्रामक ब्याटिङ प्रदर्शन गर्दै ६० बलमा १३ चौका र एक छक्काको मद्दतमा सानदार ९० रन जोड्नुभयो । उहाँ शतकबाट १० रनले चुके पनि नेपालको ठूलो स्कोर निर्माणमा निर्णायक भूमिका निर्वाह गर्नुभयो । अन्तिमतिर अलिशाकुमारी यादव २३ रनमा अविजित रहँदै टोलीलाई २०० रनको आँकडा पार गराउन सफल हुनुभयो ।
नेपालका शीर्षक्रमका ब्याटरले सुरुदेखि नै आक्रामक शैली अपनाउँदै रनगति उच्च राखेका थिए । सावित्री र सोनीबीचको महत्त्वपूर्ण साझेदारीले हङकङका बलरलाई दबाबमा राख्यो भने अन्तिम ओभरहरूमा आएको तीव्र रन वर्षाले नेपालको स्कोर २११ रनसम्म पुर्यायो ।
विशाल लक्ष्यको जवाफमा हङकङका ब्याटरले कुनै पनि चरणमा लय समात्न सकेनन् । नेपाली बलरहरूले नियमित अन्तरालमा विकेट लिँदै विपक्षीलाई खुल्नै दिएनन् । अनुशासित बलिङ, चुस्त फिल्डिङ र दबाबपूर्ण रणनीतिका कारण हङकङ केवल ३० रनमा सीमित भयो र नेपालले १८१ रनको ऐतिहासिक जित दर्ता गर्यो ।
लगातार उत्कृष्ट प्रदर्शनसँगै समूह विजेता बनेको नेपाल अब उच्च मनोबलका साथ क्वाटरफाइनलमा प्रवेश गरेको छ । ब्याटिङमा सावित्री धामीको कीर्तिमानी उपलब्धि र कप्तान सोनी पाख्रिनको जिम्मेवार इनिङ्सले नेपाली टोली उपाधि दाबेदारका रूपमा थप बलियो देखिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर