काठमाडौं । ओपनर कुशल भुर्तेलको शतक तथा हेमन्त धामी र आरिफ शेखको सानदार बलिङ मद्दतमा जर्सीविरुद्धको पहिलो अभ्यास एकदिवसीय खेलमा जित हासिल गरेको नेपाल आज (बुधबार) दोस्रो खेल खेल्दैछ । आज अर्को एकदिवसीय खेल खेलेपछि नेपालले नेदरल्याण्ड्समा नामिबिया पनि सम्मिलित लिग २ को त्रिदेशीय शृंखला खेल्नेछ ।
सोमबार राती ग्रानिभलमा सम्पन्न खेलमा नेपालले जर्सीमाथि ८१ रनको जित हासिल गरेको थियो । ब्याटिङमा भुर्तेलले शतक बनाउनुभयो भने बलिङमा हेमन्त धामीले चार अनि आरिफले तीन विकेट लिँदै जर्सीलाई धराशायी बनाउनुभएको थियो ।
नेपालले दिएको २५१ रनको लक्ष्य पछ्याएको जर्सी ४१ ओभरमा १६९ रनमा अलआउट भएको थियो । चार्ली ब्रेनन ८२ रनमा अविजित रहे पनि जित दिलाउन सक्नुभएन । डानियल बिरेलले ४१ रन बनाउनुभएको थियो । नेपालका लागि हेमन्तले सात ओभरमा ३७ रन दिएर चार विकेट लिनुभयो भने आरिफले पाँच ओभरमा नौ रन दिएर तीन विकेट लिनुभएको थियो । करण केसीले दुई तथा सन्दीप लामिछानेले एक विकेट लिनुभयो ।
जर्सी १२औँ ओभरमा ३९-५ अनि २०औँ ओभरमा ५९-८ को अवस्थामा पुगेको थियो र ब्रेनन र बिरेल मिलेर ९४ रनको साझेदारी गर्नुभएको थियो । यद्यपि नेपालले साझेदारी तोड्न सफल भयो । त्यसअघि टस हारेर पहिले ब्याटिङको निम्तो पाएको नेपालले ५० ओभरमा आठ विकेट गुमाएर २५० रन बनाएको थियो । यसअघि ३१औँ ओभर चलिरहँदा नेपाल १५८-२ को अवस्थामा रहँदा वर्षा भएपछि करिब डेढ घण्टा खेल रोकिएको थियो । खेल पुनः सुरु हुँदा ओभर घटाइएको थिएन । भुर्तेल ११७ बलमा १०५ रन बनाएर आउट हुनुभएको थियो । उहाँले १३ चौका प्रहार गर्नुभएको थियो भने भीम सार्कीले ३९ रन जोड्नुभएको थियो ।
एक समय २९औँ ओभरमा १४८-१ अनि ३५औँ ओभरमा १७२–२ को बलियो अवस्थामा देखिए पनि नेपाली टोलीको ब्याटिङ त्यसपछि धर्मराएको थियो । जर्सीका लागि डानियल बिरेल, बेन्जामिन वार्ड र निक ग्रीनवुडले दुई-दुई विकेट लिँदा जर्ज रिचार्डसन र चार्ल्स पर्चार्डले एक-एक विकेट लिनुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर