एजेन्सी । ‘पप सम्राट’ माइकल ज्याक्सनको जीवनमा आधारित चलचित्र ‘माइकल’ विश्व बक्स अफिसमा एक अर्ब अमेरिकी डलरको आँकडा पार गर्ने पहिलो बायोपिक बनेको छ । चलचित्रले सन् २०२३ मा प्रदर्शन भएको ‘ओपेनहाइमर’को कमाइलाई उछिन्दै नयाँ कीर्तिमान कायम गरेको हो । अन्तर्राष्ट्रिय सञ्चारमाध्यम भेराइटीका अनुसार चलचित्रले अन्तर्राष्ट्रिय बजारबाट ६२ करोड ९८ लाख अमेरिकी डलर तथा उत्तर अमेरिकी (घरेलु) बजारबाट ३७ करोड १८ लाख अमेरिकी डलर कमाएको छ । यससँगै यसको विश्वव्यापी कुल कमाइ एक अर्ब १० लाख अमेरिकी डलर (१.००१ अर्ब डलर) पुगेको छ ।
चलचित्रले प्रदर्शनको पहिलो सप्ताहन्तमै उत्तर अमेरिकाबाट नौ करोड ७० लाख अमेरिकी डलर तथा विश्वभरबाट २१ करोड ७० लाख अमेरिकी डलर कमाउँदै सशक्त सुरुवात गरेको थियो । चलचित्रले निरन्तर उत्कृष्ट व्यापार गर्दै ऐतिहासिक उपलब्धि हासिल गरेको हो ।
यसअघि भौतिकशास्त्री जे.रोबर्ट ओपेनहाइमरको जीवनमा आधारित निर्देशक क्रिस्टोफर नोलनको चलचित्र ‘ओपेनहाइमर’ले विश्वव्यापी रूपमा ९७ करोड ५० लाख अमेरिकी डलर कमाएको थियो ।
निर्देशक एन्टोइन फुक्वाको निर्देशनमा बनेको ‘माइकल’ले माइकल ज्याक्सनको ‘ज्याक्सन फाइभ’बाट सुरु भएको सांगीतिक यात्रा, विश्वव्यापी लोकप्रियता र ‘किङ अफ पप’का रूपमा स्थापित हुँदासम्मको जीवनलाई पर्दामा उतारेको छ । चलचित्रमा माइकल ज्याक्सनको भूमिका उहाँका भतिजा जाफार ज्याक्सनले निर्वाह गर्नुभएको छ । साथै, कोलम्यान डोमिंगो, निया लङ र माइल्स टेलरको पनि प्रमुख अभिनय छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर