काठमाडौं । अभिनेत्री काजल कर्णले चलचित्र ‘चिरञ्जीवी भवः’ को छायांकनका क्रममा आफूलाई जातीय विभेद र दुर्व्यवहार गरिएको आरोप लगाउँदै चलचित्र कलाकार संघमा औपचारिक उजुरी दर्ता गर्नुभएको छ । उहाँले घटनाको निष्पक्ष छानविन गरी दोषीमाथि आवश्यक कारबाही गर्न तथा भविष्यमा यस्ता घटना दोहोरिन नदिन पहल गर्न माग गर्नुभएको छ । संघका अध्यक्ष उत्तम केसीका अनुसार कर्णले इमेलमार्फत उजुरी दर्ता गराउनुभएको हो ।
उजुरीमा उहाँले सेटमा आफूमाथि दुर्व्यवहार भएको दाबी गर्दै घटनामा संलग्न व्यक्ति तथा निर्माण टोलीमाथि स्वतन्त्र र निष्पक्ष छानबिन गर्न माग गर्नुभएको छ । साथै, भविष्यमा कुनै पनि कलाकारमाथि यस्ता घटना दोहोरिन नदिने प्रतिबद्धता सम्बन्धित पक्षबाट गराउनुपर्ने माग पनि गर्नुभएको छ ।
उजुरी प्राप्त भएपछि अध्यक्ष केसीले दुवै पक्षलाई छलफलका लागि बोलाउन लागेको जानकारी गराउनुभयो । ‘इमेलमार्फत उजुरी आएको छ । दुवै पक्षलाई छलफलका लागि बोलाउन सम्पर्क गर्दैछौं,’ उहाँले भन्नुभयो । अभिनेत्री कर्णले सामाजिक सञ्जाल फेसबुकमार्फत पनि आफूले कलाकार संघमा औपचारिक उजुरी दर्ता गरिसकेको जानकारी दिनुभएको छ । उहाँले उजुरीसँग सम्बन्धित सम्पूर्ण प्रमाणसमेत पेश गरिसकेको उल्लेख गर्नुभएको छ । आफू न्यायका लागि अन्तिमसम्म लड्ने बताउँदै कर्णले यो लडाइँ आत्मसम्मान, सत्य र न्यायको भएको उल्लेख गर्नुभएको छ ।
यता, चलचित्रका निर्देशक दीपकप्रसाद आचार्यले कर्णका आरोप अस्वीकार गर्दै कुनै पनि प्रकारको जातीय विभेद नभएको दाबी गर्नुभएको छ । उहाँका अनुसार कर्ण सुटिङमा समयमै उपस्थित नभएपछि उहाँको बाँकी भूमिका हटाइएको हो । निर्माण पक्षले अधिकांश पारिश्रमिक भुक्तानी गरिसकिएको र बाँकी रकम सम्झौता अनुसार डबिङपछि दिने जनाएको छ ।
निर्माण टोलीले मेकअप, पोशाक र अन्य व्यवहारसम्बन्धी आरोप पनि निराधार भएको दाबी गर्दै छायांकनका क्रममा सबै कलाकारप्रति समान व्यवहार गरिएको जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर