काठमाडौं । यही शुक्रबार साउन १ गतेबाट रिलिज हुने चलचित्र ‘गौँथली’लाई प्रिमियर शोमा रुचाइएको छ । सोमबार साँझ सिभिल मलमा भएको प्रिमियर शो गरिएको थियो । २०६० को दशकभन्दा अगाडि नेपाली ग्रामीण समाजमा अधिकांश महिलाले भोगेको कथा चलचित्रले उठाएको भन्दै प्रिमियर शो हेर्नेहरूले प्रशंसा गरेका थिए । उनीहरूले ‘गौँथली’ले दर्शकलाई पूरै अवधि बाँधेर राख्ने विश्वास व्यक्त गरे ।
चलचित्रमा अरुण क्षेत्री र सिम्रन खड्काले गरेको अभिनयलाई रूचाइएको छ । अटिजम भएको व्यक्तिको भूमिका निर्वाह गरेका अरुण र बुहारीको भूमिकामा रहेकी सिम्रनको कामको तारिफ भएको छ ।
चलचित्र हेर्न कलाकारहरू कृष्ण मल्ल, रवि डंगोल, जितु नेपाल, निर्देशक दिवाकर भट्टराई, निर्माता रोहित अधिकारी, पत्रकार प्रकाश सुवेदीलगायत प्रिमियरमा पुग्नुभएको थियो । उहाँहरूले तत्कालीन नेपाली समाजको अनुहार चलचित्रले उतारेकाले सिनेमा चल्नेमा ढुक्क रहन निर्माण टिमलाई आग्रह गरेका थिए । कपिल रिजालले निर्देशन गरेको यो चलचित्र भोला रिजाल प्रोडक्सन र सुमन गिरीको प्रस्तुतिमा बनेको हो ।
चलचित्रमा अरुण क्षेत्री र सिम्रनसहित मदनकृष्ण श्रेष्ठ, प्रकाश घिमिरे, लुनिभा तुलाधर, रवीन्द्र झा, ईश्वरी बराल, सञ्जोग रसाइली, सीतादेवी तिमिल्सिना, लक्ष्मीनाथ तिमिल्सिना, राजेन्द्र नेपालीलगायतका कलाकारको अभिनय छ । बाल कलाकारका रूपमा अंशु ओली र प्रिन्स नेपालीले अभिनय गर्नुभएको थियो । चलचित्रको कार्यकारी निर्माता सरला रिजाल हुनुहुन्छ । निर्माताको रूपमा सुमन गिरी र डा.कपिल रिजाल हुनुहुन्छ ।
इन्दु गिरी, मनिष रिजाल, प्रलय रिजाल र जीवन ओली सहनिर्माताको रूपमा हुनुहुन्छ । डा.भोला रिजालको कथा रहेको चलचित्रको पटकथा तथा संवाद लेखनमा निर्देशक डा.कपिलसँगै निश्चल कुँवर, निरज नेपाल र गिरिराज घिमिरेले सहकार्य गर्नुभएको छ ।
यसैबीच, यस चलचित्रको अग्रिम टिकट बुकिङ पनि खुल्न थालेको छ । देशकै सबभन्दा ठूलो मल्टिप्लेक्स चेन क्युएफएक्सले आफ्ना हलमा ‘गौंथली’को शो तालिका सार्वजनिक गर्दै अग्रिम बुकिङ खुला गरेको छ । त्यसैगरी वान सिनेमाजलगायत अन्य मल्टिप्लेक्सहरूले पनि चलचित्रको अग्रिम बुकिङ खुलाइसकेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर