काठमाडौं । आईसीसी क्रिकेट विश्वकप लिग–२ अन्तर्गत हुने त्रिकोणात्मक एकदिवसीय शृंखलाको तयारीमा रहेको नेपालले आज जर्सीविरुद्ध दोस्रो तथा अन्तिम एकदिवसीय अभ्यास खेल खेल्दैछ । खेल जर्सीको एनसीसी ग्रानभिल मैदानमा नेपाली समयअनुसार दिउँसो ३ः४५ बजे सुरु हुनेछ ।
पहिलो अभ्यास खेलमा ८१ रनको प्रभावशाली जित निकालेको नेपाल आजको खेल पनि आफ्नो पक्षमा पार्दै दुई खेलको अभ्यास शृंखला क्लिन स्वीप गर्ने लक्ष्यमा मैदान उत्रनेछ ।
पहिलो खेलमा नेपालका ओपनर कुशल भुर्तेलले उत्कृष्ट शतक प्रहार गर्दै टोलीको जितको आधार तयार पारेका थिए। बलिङतर्फ हेमन्त धामी चम्किँदा चार विकेट लिएका थिए, जसका कारण जर्सी ठूलो लक्ष्य पछ्याउने क्रममा दबाबमा परेको थियो ।
नेपाल र जर्सीबीचको एकदिवसीय भेट भने नयाँ होइन । यसअघि सन् २००८ मा नेपालमै आयोजना भएको आईसीसी विश्व क्रिकेट लिग डिभिजन–५ मा यी दुई टोली आमनेसामने भएका थिए। त्यसबेला नेपालले जर्सीलाई ६ विकेटले पराजित गरेको थियो ।
आजको खेल नेपालका लागि जित मात्र होइन, टोली संयोजन, ब्याटिङ क्रम र बलिङ संयोजन परीक्षण गर्ने अवसर पनि हुनेछ । प्रशिक्षक तथा व्यवस्थापन टोलीले आगामी प्रतिस्पर्धात्मक शृंखलाअघि खेलाडीहरूको लय र रणनीति थप मजबुत बनाउने लक्ष्य राखेका छन् ।
नेपालले जर्सीसँगको अभ्यास खेलपछि आईसीसी क्रिकेट विश्वकप लिग–२ अन्तर्गत हुने त्रिकोणात्मक एकदिवसीय शृंखलामा प्रतिस्पर्धा गर्नेछ। नेपाल, नेदरल्यान्ड्स र नामिबिया सहभागी उक्त शृंखला जुलाई २१ देखि सुरु हुँदैछ । त्यसैले आजको अभ्यास खेललाई नेपाली टोलीले आफ्नो अन्तिम तयारीका रूपमा लिएको छ ।
लगातार दोस्रो जित निकाल्न सके नेपालले आत्मविश्वासका साथ लिग–२ शृंखलामा प्रवेश गर्नेछ, जसले विश्वकप छनोट यात्रामा सकारात्मक सुरुआत गर्न महत्वपूर्ण आधार तयार पार्ने अपेक्षा गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर