काठमाडौं । नेपालले सन् २०२८ को आइसिसी टी-२० विश्वकपका लागि सिधै ग्लोबल छनोट खेल्ने भएको छ । अन्तर्राष्ट्रिय क्रिकेट परिषद् (आइसिसी)ले सार्वजनिक गरेको नयाँ छनोट प्रक्रियाअनुसार नेपालले यसपटक एसिया क्षेत्रीय छनोट खेल्नुपर्ने छैन । आइसिसीका अनुसार सन् २०२६ को टी-२० विश्वकपमा सहभागी भएका तर स्वतः विश्वकपमा स्थान सुरक्षित गर्न नसकेका टोलीहरूलाई सिधै ग्लोबल छनोटमा प्रवेश दिइनेछ । नेपाल पनि यही मापदण्डभित्र परेकाले ग्लोबल छनोटमा प्रत्यक्ष प्रतिस्पर्धा गर्ने अवसर पाएको हो ।
नेपालले सन् २०२६ को टी-२० विश्वकपमा समूह चरणबाटै यात्रा टुंग्याएको थियो । विश्वकपमा स्वतः छनोट हुन नसके पनि त्यस प्रतियोगितामा सहभागिताका आधारमा टोलीले ग्लोबल छनोटमा सिधै स्थान सुरक्षित गरेको हो । ग्लोबल छनोटमा विश्वका विभिन्न क्षेत्रीय छनोटबाट आउने आठ टोली पनि सहभागी हुनेछन् । अफ्रिका, एसिया र युरोपबाट दुई-दुई तथा अमेरिका र पूर्वी एसिया-प्रशान्त (इएपी) क्षेत्रबाट एक-एक टोली ग्लोबल छनोटमा पुग्नेछन् ।
ग्लोबल छनोटपछि प्रत्येक क्षेत्रबाट उत्कृष्ट प्रदर्शन गर्ने एक-एक टोली तथा समग्र प्रदर्शनका आधारमा थप तीन टोली गरी कुल सात टोलीले सन् २०२८ को टी-२० विश्वकपमा स्थान बनाउनेछन् । आइसिसीले छनोटका लागि न्यूनतम प्रदर्शनको मापदण्ड पनि लागू गर्ने जनाएको छ ।
यसअघि टी-२० विश्वकप छनोट एसिया-इएपी, युरोप, अमेरिका र अफ्रिका क्षेत्रीय प्रतियोगितामार्फत् सञ्चालन हुँदै आएको थियो । अब भने आइसिसीले पुनः ग्लोबल छनोट प्रणाली लागू गर्ने निर्णय गरेको छ ।
यससँगै आइसिसीले टी-२० विश्वकपको प्रतियोगिता ढाँचामा पनि परिवर्तन गरेको जनाएको छ । परिषद्को सम्मेलनबाट नयाँ फर्म्याट पारित भइसकेको भए पनि यसको अन्तिम स्वीकृति आगामी नोभेम्बरमा हुने छलफलपछि प्रदान गरिनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर