काठमाडौं । वरिष्ठ साहित्यिक पत्रकार तथा साहित्यकार नगेन्द्रराज शर्माको ८९ वर्षको उमेरमा बुधबार बिहान निधन भएको छ । शर्मा केही समयदेखि मुटुसम्बन्धी रोग, मधुमेह तथा कलेजोसम्बन्धी समस्याबाट पीडित हुनुहुन्थ्यो ।
नेपाली साहित्य र साहित्यिक पत्रकारितामा लामो समयदेखि सक्रिय शर्मा विसं.२०२७ सालदेखि साहित्यिक द्वैमासिक पत्रिका ‘अभिव्यक्ति’ को सम्पादन तथा प्रकाशनमा संलग्न हुनुहुन्थ्यो । लामो समय उक्त पत्रिकाको सम्पादकका रूपमा नेतृत्व गर्नुभएका उहाँ पछिल्लो समय पत्रिकाको संरक्षकको भूमिकामा रहनुभएको थियो ।
शर्मा कथा र उपन्यास विधामा समेत सक्रिय स्रष्टा हुनुहुन्थ्यो । उहाँका ‘दिवास्वप्न’ र ‘महापुरुष’ उपन्यास प्रकाशित छन् भने ‘पिपलको बोटमुनि’ कथासंग्रह पाठकमाझ चर्चित कृतिका रूपमा परिचित छ । नेपाली साहित्य तथा साहित्यिक पत्रकारितामा उहाँले पुर्याउनुभएको योगदानको विभिन्न साहित्यिक वृत्तबाट उच्च मूल्यांकन हुँदै आएको छ । शर्माका श्रीमती तथा दुई छोरा हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर