काठमाडौं । अन्तर्राष्ट्रिय नृत्य प्रतियोगिता ‘ग्लोबल डान्स लिग थाइल्याण्ड २०२६’मा सहभागिता जनाउन नेपालका तीन नृत्य टोलीसहितको जम्बो प्रतिनिधिमण्डल थाइल्याण्ड पुगेको छ । विश्वभरका उत्कृष्ट नर्तक, प्रशिक्षक तथा कोरियोग्राफर सहभागी हुने प्रतियोगितामा नेपालबाट ‘टिम एनटी’, ‘दि इननेट सउल’ र ‘एनडिए जुनियर’ले प्रतिस्पर्धा गर्नेछन् ।
ग्लोबल डान्स लिग नेपालका राष्ट्रिय निर्देशक रोशन गहतराजका अनुसार हालै नेपालमा सम्पन्न ‘वर्ल्ड अफ डान्स नेपाल २०२६’बाट छनोट भएका टोलीले थाइल्याण्डमा नेपालको प्रतिनिधित्व गरिरहेका हुन् । ‘टिम एनटी’ टिम डिभिजनको विजेता, ‘दि इननेट सउल’ रनरअप तथा ‘एनडिए जुनियर’ जुनियर टिम डिभिजनको विजेता टोली हो । प्रतियोगिताको उद्घाटन समारोह बुधबार साँझ बैंककमा भएको छ ।
यसैबीच, नेपाली नृत्य निर्देशक जेडी तमु प्रतियोगिताको निर्णायक मण्डलमा समावेश हुनुभएको छ । विश्वका विभिन्न देशका प्रतिष्ठित निर्णायकसँगै उहाँले निर्णायकको भूमिका निर्वाह गर्नुहुनेछ । निर्देशक गहतराजले यति ठूलो अन्तर्राष्ट्रिय नृत्य प्रतियोगितामा नेपालबाट पहिलोपटक यसस्तरमा निर्णायक चयन हुनु नेपाली नृत्य क्षेत्रका लागि महत्त्वपूर्ण उपलब्धि भएको बताउनुभएको छ ।
यस वर्षको प्रतियोगितामा विश्वप्रसिद्ध नृत्यांगना तथा कोरियोग्राफर काया पियर्स पनि निर्णायकका रूपमा सहभागी हुनुहुनेछ । न्यूजिल्याण्डकी पियर्स अमेरिकी पपस्टार जस्टिन बिबरको चर्चित गीत ‘सरी’को म्युजिक भिडियोको कोरियोग्राफीका लागि परिचित हुनुहुन्छ ।
बैंककमा जुलाई १५ देखि १९ सम्म सञ्चालन हुने प्रतियोगितामा विश्वका विभिन्न देशबाट सयौं नर्तक तथा नृत्य टोलीको सहभागिता रहने आयोजकले जनाएको छ । विभिन्न विधाका नृत्य प्रस्तुति, प्रतिस्पर्धात्मक प्रदर्शन र सांस्कृतिक आदानप्रदानसहित प्रतियोगिता आठ एपिसोडमा सञ्चालन हुनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर