काठमाडौं । नेपाली कांग्रेस र नेकपा (एमाले)बीचको गठबन्धनमा देखिएको असमझदारीसँगै लुम्बिनी प्रदेशमा सरकार फेरबदलको सम्भावना बढेको छ । पार्टी केन्द्रको निर्णयअनुसार कांग्रेस प्रदेश सरकारबाट बाहिरिने तयारीमा छ ।
एमालेका चेतनारायण आचार्य कांग्रेसको समर्थनमा २०८१ साउन ७ गते लुम्बिनी प्रदेशका मुख्यमन्त्री नियुक्त हुनुभएको थियो । हाल प्रदेश सरकारमा कांग्रेसका पाँच जना मन्त्री सहभागी छन् ।
८७ सदस्यीय लुम्बिनी प्रदेशसभामा हाल ८३ सदस्य कायम छन् । जसमध्ये एमालेका २९, कांग्रेसका २७ र नेकपाका १३ सदस्य रहेका छन् । नेकपाका १३ सदस्यमध्ये एक जना सभामुख हुनुहुन्छ ।
कांग्रेसले समर्थन फिर्ता लिएमा एमालेले नयाँ सत्ता समीकरणका लागि नेकपासँग सहकार्यको प्रयास गर्ने संकेत दिएको छ । लुम्बिनी प्रदेश सरकारका मन्त्री तुलसी चौधरीले कांग्रेससँगको गठबन्धन कायम रहोस् भन्ने एमालेको चाहना रहेको बताउँदै कांग्रेस सरकारबाट बाहिरिए नेकपासँग सत्ता सहकार्यबारे छलफल हुन सक्ने बताउनुभयो ।
प्रदेशसभामा राष्ट्रिय प्रजातन्त्र पार्टी (राप्रपा)का ४, जनता समाजवादी पार्टी नेपालका २, जनमत पार्टीका ३, जसपाका १, राष्ट्रिय जनमोर्चाका १ तथा एक स्वतन्त्र सांसद रहेका छन् । कांग्रेसको निर्णयपछि लुम्बिनी प्रदेशको सत्ता समीकरण नयाँ मोडमा पुग्ने देखिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर