काठमाडौं । सरकारले अन्तर्राष्ट्रिय खेलकुद प्रतियोगितामा पदक जित्ने नेपाली खेलाडी तथा खेल टोलीलाई हालसम्मकै सबैभन्दा ठूलो नगद पुरस्कारसहित सम्मान गर्ने निर्णय गरेको छ । मन्त्रिपरिषद्को बैठकले अन्तर्राष्ट्रिय प्रतियोगितामा पदक हासिल गरेका खेलाडी, प्रशिक्षक, सहायक प्रशिक्षक, फिजियो र व्यवस्थापकलाई नगद पुरस्कार तथा सम्मानपत्र प्रदान गर्ने निर्णय गरेको हो ।
शिक्षा, विज्ञान तथा प्रविधि मन्त्रालयअन्तर्गतको खेलकुद महाशाखाले खेलाडीको सम्मान र प्रोत्साहनका लागि नगद पुरस्कार प्रदान गर्ने प्रस्ताव मन्त्रिपरिषद्मा पेश गरेको थियो । उक्त प्रस्ताव स्वीकृत भएसँगै राष्ट्रिय खेलकुद विकास नियमावली, २०७९ (दोस्रो संशोधन, २०८२) बमोजिम कुल १० करोड ५१ लाख ४८ हजार ५०० रुपैयाँ नगद पुरस्कार वितरण गरिने भएको छ ।
मन्त्रालयका अनुसार यस कार्यक्रमअन्तर्गत अन्तर्राष्ट्रिय प्रतियोगितामा पदक जितेका खेलाडी, प्रशिक्षक, सहायक प्रशिक्षक, व्यवस्थापक तथा फिजियोसहित १०१ जनालाई नगद पुरस्कारसहित सम्मान गरिनेछ । यसअघि पनि अन्तर्राष्ट्रिय पदक विजेता खेलाडीलाई नगद पुरस्कार प्रदान गरिँदै आएको भए पनि यो हालसम्मकै सबैभन्दा ठूलो पुरस्कार राशि भएको मन्त्रालयले जनाएको छ ।
पुरस्कार पाउने सूचीमा माल्दिभ्समा सम्पन्न १५औँ विश्व बडीबिल्डिङ एण्ड फिजिकल स्पोर्ट्स च्याम्पियनसिप-२०२४ का चार पदक विजेता खेलाडी, भारतमा सम्पन्न प्रथम खो-खो विश्वकप-२०२५ मा रजत पदक जित्ने महिला र पुरुष टोलीका ३६ खेलाडी, युडब्लु एसियन बेल्ट रेस्लिङ-२०२५ का तीन कांस्य पदक विजेता तथा मलेसियामा सम्पन्न १०औँ एसियाली पारा तेक्वान्दो प्रतियोगिता-२०२५ का तीन कांस्य पदक विजेता खेलाडी समावेश छन् ।
त्यसैगरी, चीनमा सम्पन्न छैटौँ एसियन बिच गेम्स-२०२६ अन्तर्गत बिच कबड्डी महिला टोलीका सात कांस्य पदक विजेता खेलाडी, मलेसियामा सम्पन्न एसिसी मेन्स यू-१६ इस्ट जोन कप-२०२५ का स्वर्ण पदक विजेतासहित १७ खेलाडी, थाइल्याण्डमा सम्पन्न ५७औँ बडीबिल्डिङ एण्ड फिजिकल स्पोर्ट्स च्याम्पियनसिप-२०२५ का एक कांस्य पदक विजेता, श्रीलंकामा सम्पन्न एसियन प्यासिफिक मोटरस्पोर्ट च्याम्पियनसिप-२०२५ का एक स्वर्ण पदक विजेता तथा बहराइनमा सम्पन्न आइएसएफ जिम्नासियाड-२०२४ का स्वर्ण र कांस्य पदक विजेता नौ खेलाडीलाई पनि नगद पुरस्कार प्रदान गरिनेछ ।
ओमानमा सम्पन्न एसिसी मेन्स इस्ट जोन क्वालिफायर-२०२४ मा स्वर्ण पदक जित्दै विश्वकपमा छनोट भएका २० खेलाडी पनि पुरस्कार प्राप्त गर्ने सूचीमा रहेका छन् । मन्त्रालयले राष्ट्रिय खेलकुद परिषद्को सिफारिसका आधारमा तयार गरिएको प्रस्ताव मन्त्रिपरिषद्बाट स्वीकृत भएसँगै सम्बन्धित खेलाडी तथा खेल टोलीलाई शीघ्र नगद पुरस्कार र सम्मानपत्र प्रदान गरिने जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर