काठमाडौं । नेपालले जर्सीविरुद्धको दुई म्याचको एकदिवसीय सिरिज कब्जा गरेको छ । दोस्रो खेलमा नेपालले जर्सीलाई सात रनले हराउँदै सिरिज कब्जा गरेको हो । आइसिसी क्रिकेट विश्वकप लिग-२ को तयारीमा रहेको नेपाली राष्ट्रिय क्रिकेट टोलीले जर्सीविरुद्धको दोस्रो अभ्यास एकदिवसीय खेल पनि आफ्नो पक्षमा पार्दै तयारीलाई सफल बनाएको हो ।
बुधबार राती वर्षाले प्रभावित खेलमा नेपालले डकवर्थ-लुइस-स्टर्न (डिएलएस) पद्धतिअनुसार जर्सीलाई सात रनले पराजित गरेको हो । २८३ रनको लक्ष्य पछ्याइरहेको नेपालले ४६ ओभरमा पाँच विकेट गुमाएर २५१ रन बनाएको अवस्थामा वर्षाका कारण खेल रोकिएको थियो । त्यसबेला डिएलएसअनुसार नेपालको पार स्कोर २४४ रन रहेकाले नेपाल सात रनले विजयी घोषित भयो ।
नेपालको जितमा इशान पाण्डेले सर्वाधिक ९० रनको योगदान दिनुभयो । कुशल भुर्तेलले ५२ रन बनाउनुभयो भने भीम सार्कीले ३७ रन जोड्नुभयो । दीपेन्द्रसिंह ऐरी ३४ रनमा अविजित रहनुभयो । जर्सीका लागि चार्ल्स पर्चार्डले दुई विकेट लिनुभयो । जुलियस समरायर र स्कट भान ब्रेडाले समान एक-एक विकेट हात पार्नुभयो ।
यसअघि टस हारेर पहिले ब्याटिङ गरेको जर्सीले निर्धारित ५० ओभरमा ६ विकेट गुमाएर २८२ रन बनाएको थियो । जर्सीका लागि प्याट्रिक गजले सर्वाधिक ९५ रन बनाउनुभयो । ह्यारिसन कारिलोनले ५६, ज्याक ट्राइबले ५०, निक ग्रिनबुडले ३२ तथा जोन्टी जेनरले २७ रनको योगदान दिनुभयो । नेपालका लागि करण केसी र सन्दीप लामिछानेले समान दुई-दुई विकेट लिनुभयो भने ललित राजवंशीले एक विकेट लिनुभयो । यसअघि भएको पहिलो अभ्यास खेलमा पनि नेपालले जर्सीलाई ८१ रनले पराजित गरेको थियो ।
नेपाल अब नेदरल्याण्ड्समा आयोजना हुने आइसिसी क्रिकेट विश्वकप लिग-२ अन्तर्गतको त्रिदेशीय शृंखलामा सहभागी हुनेछ । उक्त शृंखलामा घरेलु टोली नेदरल्याण्ड्स र नामिबियासमेत सहभागी रहनेछन् । प्रतियोगिता जुलाई २१ देखि सुरु हुनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर