काठमाडौं । चलचित्र ‘आशा’को छायांकन आरम्भ गरिएको छ । उडान स्टुडियोको प्रस्तुतिमा निर्माण हुनलागेको यो चलचित्र एक महिनाको कार्यतालिका तय गर्दै बिहीबारदेखि छायांकन आरम्भ गरिएको हो । निर्मात्री शर्मिला थापाका अनुसार पहिलो दिन काठमाडौं उपत्यकामा छायांकन गरिएको छ । प्रारम्भिक केहीदिन उपत्यकामा छायांकन गरेपछि नमोबुद्ध र धुलिखेल आसपासका क्षेत्रमा बाँकी दृश्य खिचिनेछन् । उहाँले साउन महिनाभित्र सम्पूर्ण छायांकन सम्पन्न गर्ने लक्ष्य रहेको बताउनुभयो ।
‘हामी योजनानुसार नै छायांकनमा निस्किएका छौं । नेपालीपन बोकेको कथालाई प्राविधिक रूपमा अब्बल ढंगले प्रस्तुत गर्दै दर्शकमाझ ल्याउने प्रयासमा छौँ,’ उहाँले भन्नुभयो । छायांकनको पहिलो दिन अभिनेता शुशांक मैनाली तथा बालकलाकार चिराग श्रेष्ठ र काश्वी भण्डारीले अभिनय गर्नुभएको थियो । चलचित्रमा शुशांकसँगै महेश त्रिपाठी, अञ्जना बराइली, सुशील सिटौला, आशान्त शर्मा, केनिपा सिंह, कविता रेग्मीलगायत कलाकारको अभिनय रहने जनाइएको छ ।
चलचित्रको निर्देशन राजिव गुरुङले गर्नुभएको छ । कथा पनि स्वयं निर्देशक गुरुङकै छ । उहाँले चलचित्रले मनोरञ्जनसँगै पारिवारिक सन्देश दिने बताउनुभयो । ‘यो कथालाई पर्दामार्फत दर्शक हुँदै परिवारसम्म पुर्याउने उद्देश्यका साथ चलचित्र निर्माण गरिरहेका छौं । मन छुने पारिवारिक कथामा आधारित चलचित्र तयार हुँदैछ,’ निर्देशक गुरुङले भन्नुभयो ।
चलचित्रमा सहलेखक रामकुमार श्रेष्ठ, सिनेम्याटोग्राफर नरेन्द्र मैनाली, संगीतकार युग भुसाल र समीर खरेल, साउन्ड डिजाइनर किशोर आचार्य, सम्पादक लोकेश बज्राचार्य तथा मेकअप एवं हेयर आर्टिस्ट सोनाली शिल्पकार रहनुभएको छ ।
त्यसैगरी, मुख्य सहायक निर्देशक रामकुमार श्रेष्ठ, सहायक निर्देशक शान्ति तामाङ, प्रोडक्सन म्यानेजर अरुण रेग्मी, प्रोडक्सन डिजाइनर रेलिजा श्रेष्ठ, पब्लिसिटी डिजाइनर रोयल भिमसेन (ट्राइडेन्ट कन्सेप्ट)तथा वितरक करण श्रेष्ठ (रीच इन्टरटेनमेन्ट) रहेका छन् । निर्माण पक्षले चलचित्रलाई आगामी माघेसंक्रान्तिलाई लक्षित गर्दै माघ १ गते देशव्यापी प्रदर्शन गर्ने तयारी गरेको जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर