काठमाडौं । बायोपिक चलचित्र ‘म मदनकृष्ण’ को डिजिटल अधिकार बिक्री भएको छ । डिजिटल कम्पनी ‘ओएसआर डिजिटल’ले सिनेमाको ब्रान्ड भ्यालुलाई मध्यनजर गर्दै ठूलो रकम खर्चेर यसको अधिकार सुरक्षित गरेको जनाएको छ ।
भदौ दोस्रो सातादेखि चलचित्रको छायांकन सुरु हुनेछ । यस चलचित्रलाई बायोपिक सिनेमामा बनाउँदै आउनुभएका निर्देशक मिलन चाम्सले निर्देशन गर्दै हुनुहुन्छ ।
७६ वर्षीय वरिष्ठ कलाकार मदनकृष्ण श्रेष्ठको जीवनीमा आधारित बायोपिक चलचित्र ‘म मदनकृष्ण’को असारको पहिलो साता निर्माणको घोषणा गरिएको थियो । श्रेष्ठको बाल्यकाल, सरकारी जागिरे जीवन, हरिवंशसँगको सहकार्य, अन्तरजातीय विवाह, साथै जिन्दगीका सुख, दुःख समेट्दै उहाँको सम्पूर्ण जीवन संघर्ष र आरोह-अवरोहलाई समेटेर फिल्म निर्माण हुनेछ ।
‘ध्रुर्व सत्य कुरा के हो भने, ओएसआरले अहिलेसम्मकै महँगो मूल्यमा हाम्रो सिनेमाको डिजिटल राइट खरिद गरेको छ । यो मदनकृष्ण दाइप्रतिको सम्मान र उहाँको ब्राण्ड भ्यालुको नतिजा हो,’ निर्देशक चाम्सले भन्नुभयो । नेपाली चलचित्र इतिहासमा कुनै चर्चित व्यक्तिको जीवनीमा सिनेमा बन्नु नयाँ कुरा नभए पनि अभिनेतामाथि बायोपिक बन्न लागेको यो पहिलोपटक हो ।
यसअघि गायक भक्तराज आचार्यको जीवनमा ‘आचार्य’ बनेको थियो भने अन्य क्षेत्रका व्यक्तित्वका बायोपिक पनि बनेका थिए । तर, रंगमञ्च र सिनेमाका हस्ती श्रेष्ठमाथि चलचित्र बन्नुलाई नेपाली सिनेमाको एक ऐतिहासिक मानिएको छ । यस चलचित्रमा मदनकृष्णको भूमिका अभिनेता महेश त्रिपाठीले निर्वाह गर्नुहुने छ । यो बायोपिकको शीर्ष भूमिकामा दर्शकले केकी अधिकारीलाई देख्न पाउनेछन् । उहाँले श्रेष्ठकी पत्नी यशोदाको भूमिका निर्वाह गर्नुहुनेछ ।
चलचित्रमा हरिवंश आचार्यको भूमिका कसले निभाउनेछ भन्ने विषयलाई अहिले निकै गोप्य र कौतुहलतापूर्ण राखिएको छ । यस्तै, चलचित्रमा राजाराम पौडेल, किरण केसी, रुषा न्यौपाने, यमन श्रेष्ठ, देशभक्त खनालको पनि अभिनय रहनेछ ।
भिन्टेज मोसन पिक्चर्सको प्रस्तुति बायोपिक ‘म मदनकृष्ण’लाई राजकुमार श्रेष्ठले निर्माण गर्नुहुनेछ । चलचित्रको कथा तथा पटकथा यम थापाले लेख्नुभएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर