काठमाडौं । जल तथा मौसम पूर्वानुमान महाशाखाले शनिबार रातिदेखि मनसुनी प्रणाली थप सक्रिय हुने पूर्वानुमान गर्दै देशका अधिकांश स्थानमा मध्यमदेखि भारी वर्षा हुने सम्भावना रहेको जनाएको छ।
महाशाखाकी मौसमविद् बिनु महर्जनका अनुसार पछिल्लो २४ घण्टामा कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका धेरै स्थानमा मध्यमदेखि भारी वर्षा भएको छ।
उहाँका अनुसार शनिबारसम्म देशका पहाडी भूभागका धेरै स्थान तथा हिमाली र तराईका केही क्षेत्रमा पनि मध्यमदेखि भारी वर्षाको सम्भावना रहनेछ।
विशेषगरी बागमती, गण्डकी, लुम्बिनी र कर्णाली प्रदेशका पहाडी क्षेत्रमा भारी वर्षा हुन सक्ने भएकाले पहिरो, गेग्रान बहाव तथा नदी–खोलामा पानीको सतह बढ्ने जोखिम रहेको महाशाखाले जनाएको छ। जोखिमयुक्त क्षेत्रमा आवश्यक सतर्कता अपनाउन पनि आग्रह गरिएको छ।
मौसमविद् महर्जनले लामो दूरीको यात्रा गर्ने वा यात्रामा निस्कनुअघि मौसम र सडकको अवस्थाबारे जानकारी लिन तथा अद्यावधिक मौसमी सूचना हेरेर मात्रै यात्रा गर्न सर्वसाधारणलाई सुझाव दिनुभएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर