काठमाडौं । नेकपा (एमाले)का उपाध्यक्ष विष्णु पौडेल २५ दिनको हिरासतपछि विशेष अदालतको आदेशसँगै रिहा हुनुभएको छ।
सम्पत्ति शुद्धीकरणसम्बन्धी मुद्दामा प्रतिवादी बनाइएका पौडेललाई विशेष अदालतले शुक्रबार थुनछेक बहसपछि साधारण तारेखमा रिहा गर्न आदेश दिएको हो। अदालतले तत्काल प्राप्त प्रमाणका आधारमा उहाँको प्रत्यक्ष संलग्नता पुष्टि हुने पर्याप्त आधार नदेखिएको भन्दै उक्त आदेश दिएको हो।
पौडेललाई गत असार ८ गते पार्टीको कार्यक्रममा सहभागी हुन सुर्खेत पुग्नुभएको बेला पक्राउ गरी काठमाडौं ल्याइएको थियो। उहाँको परिवारले सर्वोच्च अदालतमा बन्दीप्रत्यक्षीकरणको रिट दायर गरे पनि त्यसबाट तत्काल राहत मिलेको थिएन।
महान्यायाधिवक्ताको कार्यालयले विशेष अदालतमा मुद्दा दायर गरेपछि भएको थुनछेक बहसमा न्यायाधीशहरू नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले उहाँलाई साधारण तारेखमा छाड्ने आदेश दिएको हो।
अदालतको आदेशपछि पौडेलले आगामी साउन २८ गतेका लागि तोकिएको तारेख बुझेर अदालतबाट बाहिरिनुभयो। उहाँलाई लिन परिवारका एक सदस्य तथा एमाले नेता विष्णु रिजाल अदालत पुग्नुभएको थियो। त्यसपछि उहाँ परिवारसँग घरतर्फ प्रस्थान गर्नुभएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर