काठमाडौं । राप्रपाका संस्थापक वरिष्ठ नेता, पूर्वमन्त्री, अग्रज राजनीतिक व्यक्तित्व फत्तेह सिंह थारुको ८७ वर्षको उमेरमा निधन भएको छ । नेपालगञ्जको घरवारीटोलस्थित निवासमा ह्दयघात भइ उपचारका लागि वेस्टर्न अस्पताल लगिएकोमा उहाँको बिहिबार निधन भएको हो ।
उहाँको अन्तिम दाहसंस्कार शुक्रबार राप्ती नदीको सिधनियाघाट गरिएको थियो । उहाँका दुई श्रीमती, चार छोराछोरी हुनुहुन्छ । स्व. थारु बाँके जिल्ला मात्र नभएर नेपालकै राजनीतिको एक चीरपरिचित व्यक्तित्व हुनुहुन्थ्यो ।
पञ्चायतकालमा उहाँ २०३८ र २०४३ मा राष्ट्रिय पञ्चायत सदस्य निर्वाचित हुनुभयो भने बहुदलीय व्यवस्थामा २०५१ मा बाँके ३ बाट प्रतिनिधि सभा सदस्य निर्वाचित हुनुभयो । पञ्चायत र बहुदलीय कालमा गरि उहाँ शिक्षा, सञ्चार, कृषि, रक्षा, उद्योग र वाणिज्य लगायत सातपटक मन्त्री हुनुभयो । नेपालगञ्जका साहित्यकार खगेन्द्र गिरि कोपिलाका अनुसार पश्चिम नेपालको थारु समुदायबाट एमए डिएफए गर्ने र तराईमुलको समुदायबाट नेपालको रक्षामन्त्री हुने पहिलो व्यक्ति पनि हुनुहुन्थ्यो ।
उहाँले पञ्चायतकालमा २०२३ मा बाँकेको हस्नापुर गाउँ पञ्चायतको प्रधानपञ्च भएर राजनीति आरम्भ गर्नुभएको थियो । तीन पटक बाँके जिल्ला पञ्चायतको सभापति र एक पटक गाउँफर्क राष्ट्रिय अभियान केन्द्रिय समितिको सदस्य पनि हुनुभएको थियो । विक्रम संवत् १९९६ सालमा बाँकेको थपुवा गाउँ हाल बैजनाथ गाउँपालिकामा थारु जमिनदार परिवारमा उहाँको जन्म भएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर