सिरहा । आन्तरिक राजस्व कार्यालय लहानका कर अधिकृत युवराज पाल पाँच लाख रुपैयाँ घुस लिँदै गरेको अवस्थामा पक्राउ परेका छन् । अख्तियार दुरुपयोग अनुसन्धान आयोगको बर्दिबास कार्यालयबाट खटिएको टोलीले उनलाई कार्यालयमै रंगेहात पक्राउ गरेको हो ।
स्रोतकाअनुसार सिरहा सुपर मार्केट प्रालिको आर्थिक वर्ष २०७८/७९ को पूर्ण कर परीक्षण (फुल अडिट) गर्ने क्रममा कर अधिकृत पालले आफूभन्दा माथिका कर अधिकृत प्रकाश राईसहित अन्य व्यक्तिलाई समेत मिलाउनुपर्ने भन्दै सुरुमै पाँच लाख रुपैयाँ घुस मागेका थिए । घुस दिएपछि मात्र अडिट प्रक्रिया अघि बढाइने भन्दै कम्पनीसँग आवश्यक सम्पूर्ण कागजात मागिएको आरोप छ ।
अडिटका क्रममा कार्यालयले कर, जरिवाना तथा अन्य शीर्षकमा करिब दुई करोड रुपैयाँ कर दायित्व देखाएको थियो । कम्पनीले थप कागजात पेस गरेपछि कर दायित्व ३० देखि ३५ लाख रुपैयाँसम्म थप बढ्न सक्ने बताइएको थियो ।
यसैबीच कर अधिकृत पालले १२ लाख रुपैयाँ दिए सम्पूर्ण समस्या समाधान गरिदिने प्रस्ताव राखेका थिए । कम्पनीले आर्थिक अवस्था कमजोर रहेको बताएपछि रकम घटाएर पाँच लाख रुपैयाँमा सहमति गर्न खोजिएको आरोप छ ।
घुस लेनदेनका लागि कम्पनीका प्रतिनिधिलाई बुधबार दिउँसोदेखि प्रतीक्षामा राखिएको थियो । साँझ कर अधिकृत पालले फोनमार्फत आफू गोलबजार क्षेत्रमा रहेको जानकारी दिँदै भोलिपल्ट बिहान भेट्ने र एक बिचौलियाको सम्पर्क नम्बर पठाएका थिए । पछि बिचौलियाले आफू बाहिर रहेको भन्दै आफ्ना भाइमार्फत रकम बुझाउन आग्रह गरे पनि अन्ततः पालले रकम कार्यालयमै ल्याउन भनेका थिए ।
कार्यालयमै पाँच लाख रुपैयाँ घुस बुझ्दै गरेका बेला अख्तियार दुरुपयोग अनुसन्धान आयोगको टोलीले कर अधिकृत पाललाई रंगेहात पक्राउ गरेको अख्तियारको बर्दिबास कार्यालयका प्रमुख रामबहादुर कुरुम्वाङले जानकारी दिनुभयो ।
घटनाबारे अख्तियार दुरुपयोग अनुसन्धान आयोगले थप अनुसन्धान अघि बढाएको जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
संविधान कार्यान्वयन नै नगरी संशोधनको
भूकम्पले रोकिएको हनुमानढोकाको नित्य प्रवचन
गृहमन्त्री गुरुङद्वारा जेन–जी शहीद स्मारक
दिक्तेल बजारको बेसक्याम्पमा द्वन्द्वकालीन विस्फोटक
भोटेकोशी बाढी प्रभावित क्षेत्रमा राहत
मैथिली साहित्यका वरिष्ठ साहित्यकार डा.